सुन तस्करकै कोठाबाट राजश्व अनुसन्धान विभागले बरामद गर्यो राष्ट्र बैंकको भन्दा ठूलो सुन गाल्ने मेसिन
नेपालबहस संवाददाता
साउन १०, २०८० बुधबार २२:४०:१२
१० साउन, काठमाडौं । राजश्व अनुसन्धान विभागले बुधबार साँझ चिनियाँ नागरिकको कोठाबाट सुन गाल्ने मेसिन बरामद गरेको छ । सुन तस्करी प्रकरणमा विमानस्थलबाट पक्राउ परेका चिनियाँ नागरिक जिक्वाङ लिङको काठमाडौंको बालुवाटार स्थित उनको कोठामा छापा मार्दा सुन पगाल्ने मेसिन फेला परेको हो ।
‘विभागले उनको गोदामबाट सुन गाल्ने मेसिन बरामद गरेको छ’, विभाग स्रोतले भन्यो । सो मेसिन राष्ट्र बैंकसँग रहेको सुन गाल्ने मेसिनभन्दा निकै ठूलो भएको पनि दावी गरेको छ । विभागले गत बुधबार एक सय किलो भन्दा बढी सुन बरामद गरेपछि अनुसन्धान जारी रहेको छ ।
विभागले उपसचिवको नेतृत्वमा अनुसन्धान समिति बनाएर छानविन थालेको छ । साउन ३ गते राजस्व अनुसन्धान विभागले त्रिभुवन अन्तर्राष्ट्रिय विमानस्थलबाट ठूलो परिमाणमा अवैध सुनसहित तीन जनालाई नियन्त्रणमा लिएको थियो । हालसम्म यो प्रकरणमा १७ जना पक्राउ परिसकेका छन्, जसमा एक जना भारतीय र एक जना चिनियाँ नागरिक समेत छन् ।
यो अपराधमा अन्तरदेशीय संगठित जालो देखिए पनि सुन बरामद भएको पाँचौं दिन मात्र विभागले प्रहरीको सहयोग मागेको थियो । साउन ७ गते विभागले अनुसन्धानमा सहयोग माग्दै पत्र लेखेपछि एसपी कृष्ण पंगेनीलाई खटाइएको थियो । त्रिभुवन अन्तर्राष्ट्रिय विमानस्थल बाहिरबाट विभागले २ साउनमा करिब एक क्विन्टल सुन बरामद गरेको थियो । चिनियाँ नागरिक जिक्वाङ लिङ ३ साउनमा त्रिभुवन अन्तर्राष्ट्रिय विमानस्थलबाट पक्राउ परेका थिए । उनी यो बरामद भएको सुनका एक जना मालिक रहेको बताइएको छ ।
हङकङबाट कार्गो गरेर नेपालको रेडी ट्रेड कम्पनीको नाममा ब्रेक शु भित्र लुकाएर ठूलो परिमाणमा सुन ल्याएको भेटिएको थियो । त्यसपछि विभागले यो प्रकरणमा व्यापाक अनुसन्धान गरिरहेको छ । बुधबार नै विभागले शेयर कारोबारी राकेश अडुकियाको घरमा छापा मारेको छ । त्यसै गरी रेडी ट्रेड कम्पनीको सोह्रखुट्टेस्थित गोदाममा र चिनियाँ नागरिकको गोदाममा छापा मारेको छ । अडुकियाको हङकङस्थित कार्यालयबाट चाँदीको कारोबार हुने गरेपनि स्रोतले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएक अर्ब ५१ करोड ठगी गरेको आरोपमा पक्राउ परेका सीबी लामा सार्वजनिक
जेठ २०, २०८१ आइतबार
यातायात कार्यालय गौर दलालको लागि आकर्षणको केन्द्र, दुई जना पक्राउ
जेठ २०, २०८१ आइतबार
कैलाली र मोरङबाट अवैध लागूऔषधसहित तीन जना पक्राउ
जेठ २०, २०८१ आइतबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
नेपालबहस संवाददाता
जेठ १८, २०८१ शुक्रबार
‘नेलपलिस’को गन्ध आएपछि श्री एयरलाइन्सको विमान धावनमार्गबाट फर्काइयो
जेठ २०, २०८१ आइतबार
१४ वर्षदेखि धनुषामा असुली गर्दै अघोषित घुमुवा आजाद यादव
जेठ २०, २०८१ आइतबार
तपाईको आजको राशीफल कस्तो छ ?
जेठ २०, २०८१ आइतबार
गर्मी छल्न सुकुटे, र्याफ्टिङले पर्यटक आकर्षित
जेठ २०, २०८१ आइतबार
राष्ट्रियसभामा अध्यादेश सर्वसहमतिले स्वीकृत
जेठ २०, २०८१ आइतबार
अर्थमन्त्रीले बजेट ल्याउने क्रममा सत्तारुढ दलसँग छलफल नगरेको पौडेलको आरोप
जेठ २०, २०८१ आइतबार
अन्नपूर्ण आरोहण दिवस : मौरिस हर्जोगको स्मरण गर्दै विविध कार्यक्रम
जेठ २०, २०८१ आइतबार
हुरीले विद्यालयको छाना उडाउँदा पठनपाठन प्रभावित
जेठ २०, २०८१ आइतबार