भलिबल अक्षयकोषमा प्रवासीको ४६ लाख सहयोग
नेपालबहस संवाददाता
फागुन १६, २०८० बुधबार २१:१८:३८
१६ फागुन, म्याग्दी । म्याग्दीमा स्थापना भएको ‘भलिबल अक्षयकोष’ मा प्रवासी म्याग्देलीबाट ४६ लाख ५१ हजार रुपैयाँ सहयोग प्राप्त भएको छ । म्याग्दी प्रवासी नेपाली सङ्घ (मोना) बेलायतको सहयोगमा जिल्ला भलिबल सङ्घको अक्षयकोषमा सो रकम जम्मा भएको हो ।
मोना बेलायतका अध्यक्ष कुमार फगामीले बेनीमा आयोजित कार्यक्रममा उक्त रकम सांसद खमबहादुर गर्बुजामार्फत सङ्घका अध्यक्ष तेजेन्द्र बानियाँलाई हस्तान्तरण गरे ।
यसैगरी मोना कुवेतका प्रतिनिधि चन्द्र गोतामेले संस्थाको तर्फबाट ५० हजार रुपैयाँ हस्तान्तरण गरे। संस्थागत रुपमा पाँच लाख सहयोग गरेको मोना बेलायतले ८३ दातामार्फत थप रु ३८ लाख ६१ हजार सहयोग गरेको अध्यक्ष बानियाँले जानकारी दिए। कोषका लागि भलिबल सङ्घका पदाधिकारी र सदस्यले एक लाख रुपैयाँ तथा जापानमा व्यवसाय गर्ने मोना अन्तर्राष्ट्रियका अध्यक्ष दधीवल खड्काले एक लाख रुपैयाँ सहयोग गरेका छन् ।
“कोषको रकम वृद्धि गरेर रु एक करोड पुर्याउने लक्ष्य छ”, अध्यक्ष बानियाँले भने। गत असारमा म्याग्दी भलिबल क्लब बेलायतको निमन्त्रणामा बेलायत पुगेका अध्यक्ष बानियाँको प्रस्तावअनुसार मोना बेलायतले अगुवाइ गरेर सहयोग जुटाएको हो । राष्ट्रिय वाणिज्य बैंकको बेनी शाखामा राखिएको कोषको ब्याजबाट म्याग्दी भलिबल कप सञ्चालन, भलिबल प्रशिक्षण तथा कार्यालय सञ्चालन गरिने उनले बताए । मोना बेलायतले यसअघि म्याग्दीमा तीन एम्बुलेन्स सहयोग गरेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकस्तो छ आजको मौसम पूर्वानुमान ?
जेठ ५, २०८१ शनिबार
लागुऔषधको कुलतबाट विद्यार्थी जोगाउन अभियान
जेठ ४, २०८१ शुक्रबार
देशभर गर्मी बढेको बढ्यै, अधिकतम तापक्रम ४० डिग्रीमाथि
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
ताइवानको संसदमा सांसदहरुबीच हानाहान !
जेठ ५, २०८१ शनिबार
लोकतान्त्रिक वैदेशिक रोजगार व्यवसायी सङ्घको अध्यक्षमा थापा निर्वाचित
जेठ ६, २०८१ आइतबार
इरानमा दुई महिलासहित सात जनालाई फाँसी
जेठ ६, २०८१ आइतबार
किर्गीस्तानमा रहेका नेपालीलाई घरबाहिर ननिस्कन आग्रह
जेठ ६, २०८१ आइतबार
बुटवलमा एम्बुलेन्सको ठक्करबाट महिलाको मृत्यु, दुईजना घाइते
जेठ ६, २०८१ आइतबार
विन्डवार्ड्ससँग अन्तिम खेलमा नेपाल पराजित
जेठ ६, २०८१ आइतबार
कञ्चनपुरको वनहरा नदीमा पक्की पुल निर्माण हुँदै
जेठ ६, २०८१ आइतबार