मापदण्ड विपरीतका स्वास्थ्य संस्थामाथि मन्त्रालयले कारबाही गर्ने

२१ वैशाख, काठमाडौं । स्वास्थ्य तथा जनसंख्या मन्त्रालयले पटक पटक सुझाव दिँदा पनि मापदण्ड अनुसारको सेवा प्रवाह नगरी तोकिएको नीति विपरीत स्वास्थ्यसेवा सञ्चालन गरिरहेको भन्दै यस्ता  सेवा प्रदायक संस्थालाई कारबाहीको चेतावनी दिएको छ  । 

मन्त्रालयले मापदण्ड बमोजिम नभएको, अनुमति नलिई सञ्चालन गरेको तथा बढी शुल्क लिएको गुनासोका आधारमा कारबाही गर्ने जनाएको हो । मन्त्रालयले केही स्वास्थ्यसेवासँग सम्बन्धित संस्था, अटिजम थेरापी सेन्टर, बाल क्लिनिक लगायतको रिर्पोट प्राप्त भएको जनाएको छ । 

ति संस्थालाई तत्काल स्वास्थ्य संस्था सञ्चालनसम्बन्धी मापदण्ड २०७७, पालना गर्न समेत मन्त्रालयले अनुरोध गरेको छ । यसपछि अनुगमनका क्रममा सुधार भएको नपाइएका तत्काल कारबाही गरिने मन्त्रालयको भनाइ छ ।