नेपालको पहिलो खेल जिम्बावेसँग ( खेल तालिका सार्वजनिक )

४ फागुन, काठमाडौं । एक दिवसीय विश्वककप क्रिकेटको छनोट चरणमा पुग्न सफल नेपालले पहिलो खेल जिम्बावेसँग खेल्ने छ । आगामी फागुन २० गतेदेखि जिम्बावेमा शुरु हुने विश्वकप छनोट प्रतियोगितामा नेपाल समूह ‘बि’ मा रहेको छ । सो समूहमा अफगानिस्तान, हङकङ, जिम्बावे र स्कटल्यान्ड रहेका छन् । आइसिसिले आज सार्वजनिक गरेको खेल तालिकाअनुसार नेपालले जिम्बावेसँग मार्च ४ मा, स्कटल्यान्डसँग ८ मा, फगानिस्तानसँग १० र हङकङसँग १२ मार्चमा खेल्नेछ । डिभिजन दुईको विजेता युएई समूह ‘ए’ मा रहेको छ । उक्त समूहमा वेस्ट इण्डिज, आयरल्याण्ड, पपुवा न्युगिनी र नेदरल्यान्ड रहेका छन् । थप पढ्नुहोस्

नेपाल डिभिजन टूको उपविजेता

३ फागुन, काठमाडौं । नामिबियामा भइरहेको आइसिसी विश्व क्रिकेट लिग डिभिजन दुईअन्तर्गत आजको अन्तिम खेलमा संयुक्त अरब इमिरेट्स (युएइ)ले नेपाललाई जितका लागि २७८ रनको लक्ष्य दिएको थियो । पारस खड्काको अविजित शतकका बाबजुद नेपालले यूएईसँग ७ रनले पराजित भएको छ र विश्व क्रिकेट लिग डिभिजन टूको उपविजेता बनेको छ । यूएईले भने उपाधिसँगै समूह चरणमा व्यहोरको हारको बदला पनि दिएको छ । नेपालले ५० ओभरमा ८ विकेट गुमाएर २७० रन मात्र बनाउन सक्यो । अन्तिम ओभरमा पारसले तीन छक्का हानेका थिए । तर, जितका लागि नेपाललाई मात्र ८ रन पुगेन । थप पढ्नुहोस्

नेपालले विश्वकप छनोट खेल्ने पक्का, करण चम्किएपछि खेलको नतिजा उल्टियो

२ फागुन, काठमाडौं । आज भएको खेलमा क्यानडामाथि एक विकेटको सनसनीपूर्ण जित निकाल्दै नेपालले विश्वकप छनोटमा स्थान बनाएको छ । नेपालको जितमा करण केसी र सन्दिप लामिछाने नायक सावित भए । १९५ रनको लक्ष्य पछ्याएको नेपालले १४४ रन जोड्दा ९ विकेट गुमाइसकेको थियो । तर, करणले सन्दिप लामिछानेसँग लोभलाग्दो आक्रामक पारी खेल्दै नेपाललाई जित दिलाए । अन्तिम ओभरमा नेपाललाई ६ बलमा ८ रन चाहिएको थियो र क्रिजमा करण थिए । लगातार चार बल उनले रन जोड्न सकेनन् । तर, पाँचौं बल छक्का हान्दै जितको आश जगाए । अर्को बल बाइड भएसँगै नेपालको खातामा एक रन थपियो र दुबै टिमको स्कोर ड्र भयो । थप पढ्नुहोस्

क्यानडाको ८ विकेट पतन हुँदा नेपाललाई १९५ रनको लक्ष्य

२ फागुन, काठमाडौं । टस जितेर फिल्डिङ रोजेको नेपालले क्यानडाको ८ विकेट लिँदै निर्धारित ५० ओभरको समाप्तिमा १९५ रनको लक्ष्य पाएको छ । क्यानडाका लागि श्रिमन्थ विजेरत्नेले १०३ रनको योगदान दिए । उनले १५२ बलमा ८ चौकासहित नटआउट १०३ रन बनाए । श्रीमान्थ र रुविन्दु गुनशेकराले पहिलो विकेटका लागि ४६ रनको साझेदारी गरे । उनले चौथो विकेटका लागि एनएस धालिवालसँग २३ र पाँचौं विकेटका लागि हमजा तारिकसँग ४१ रनको साझेदारी गरे । उनी प्रतियोगितामा सर्वाधिक रन बनाउने खेलाडी भएका छन् । त्यस्तै सतसिमरन्जित ढिन्ड्साले नटआउट १८ रन बनाए । थप पढ्नुहोस्

२०१५ पछि पहिलो भेट, कप्तान पारस भन्छन् :– जित्नुको विकल्प छैन

२ फागुन, काठमाडौं । नेपालले विश्व क्रिकेट लिग डिभिजन–२ को निर्णायक खेलमा आज क्यानडाको सामना गर्दै छ । विन्डरर्स क्रिकेट ग्राउन्ड, पवनहोकमा दिउँसो १ः१५ मा खेल सुरु हुने छ । एकदिवसीय विश्वकप छनोटमा स्थान बनाउनका लागि क्यानडालाई पराजित गर्नैपर्ने दबाबमा नेपाल मैदानमा उत्रँदै छ । मंगलबार घरेलु टोली नामिबियाले केन्यालाई ८ विकेटले पराजित गरेपछि नेपाल तेस्रो स्थानमा धकेलियो । नामिबिया नेपालभन्दा राम्रो रनरेटमा रहेकाले नेपाललाई क्यानडाविरुद्ध जितको विकल्प हुनेछैन । बुधबार नामिबियाले युएईको सामना गर्नेछ । युएईको पनि ४ अंक छ । थप पढ्नुहोस्

१७८ रनको लक्ष्य पक्ष्याउँदै नेपाल, सन्दिपले लिए ५ विकेट

२९ माघ, काठमाडौं । नामिवियामा जारी आइसिसी विश्व क्रिकेट लिग डिभिजन दुई अन्तर्गत आज भएको खेलमा केन्याले नेपाललाई १७८ रनको चुनौती दिएको छ । टस हारेर पहिले ब्याटिङको निम्तो पाएको केन्याले निर्धारित ५० ओभरमा आठ विकेट गुमाउँदै १७७ रनको योगफल बनायो । केन्याका लागि सुरुवाती व्याट्सम्यान इरफान करिमले सर्वाधिक ४२ रन तथा अर्का सुरुवाती व्याट्सम्यान एलेक्स ओबान्डाले ४१ रन जोडे । त्यसैगरी कोलेन्स ओबुयाले २७, नेल्सन ओधिम्बोले २४ रन तथा सेम नोगोचेले अविजित २३ रन जोडे । केन्यालाई १७७ रनमा समेट्नेक्रममा नेपालका सन्दिप लामिछानेले उत्कृष्ट बलिङ गर्दै पाँच विकेट लिए । थप पढ्नुहोस्

आईसिआईडीको आठौँ एशियाली सम्मेलन नेपालमा, डिभिजन–२ क्रिकेटमा नेपाल पराजित

२६ माघ, काठमाडौं । अन्तर्राष्ट्रिय सिँचाइ तथा जल विकास नियोग (आईसिआईडी) को आठौँ एशियाली क्षेत्रीय सम्मेलन नेपालमा पहिलो पटक हुने भएको छ । मुलुकको सिँचाइ तथा जल व्यवस्थापनलाई अन्तर्राष्ट्रिय स्तरमा विकास गर्ने र यस क्षेत्रमा कार्यरत जनशक्तिको अनुसन्धात्मक र प्राविधिक क्षमता अभिवृद्धि गर्ने उद्देश्यले सम्मेलन विस २०७५ वैशाख १९ देखि २१ गतेसम्म काठमाडौँमा हुन लागेको हो । थप पढ्नुहोस्

आइपिएलको सुचीमा परे नेपाली क्रिकेटर सन्दीप, बिमल घर्ती पनि भारतीय क्लबमा

१४ माघ, काठमाडौं । राष्ट्रिय क्रिकेट टोलीका युवा लेग स्पिनर सन्दीप लामिछाने इन्डियन प्रिमियर लिग (आइपिएल) को अक्सनमा परेका छन् । नेपाली क्रिकेट इतिहासमा लामिछाने आइपिएल खेल्ने पहिलो नेपाली खेलाडी हुनेछन् । आइपिएलको ११औँ संस्करणका लागि उनलाई दिल्ली डेयर डेभिल्सले आज भारतीय रुपैयाँ २० लाख दिएको छ । सत्र वर्षीय लामिछानेले अब आइपिएलमा नयाँ दिल्लीका लागि खेल्नेछन् । त्यस्तै राष्ट्रिय फुटबल टोलीका स्ट्राइकर विमल घर्ती मगर पनि भारतीय क्लब मोहन बगानसँग आबद्ध भएका छन् । थप पढ्नुहोस्

डिपीएल क्रिकेटको रणनीतिक खेलाडीको घोषणा

११ माघ, काठमाडौं । दोस्रो संस्करणको धनगढी प्रिमियर लिग (डिपीएल) क्रिकेट प्रतियोगितामा सहभागी टोलीले आफ्नो टोलीको रणनीतिक खेलाडीको घोषणा गरेको छ । धनगढी क्रिकेट एकेडेमीले पत्रकार सम्मेलनमा विभिन्न ६ सहरका ६ फ्रेन्चाइज टोलीको रणनीतिक खेलाडीको घोषणा गरेको हो । धनगढीको अञ्चल प्रहरीको एसएसपी क्रिकेट मैदानमा आगामी चैत १७ देखि वैशाख १ गतेसम्म चल्ने उक्त प्रतियोगितामा महेन्द्रनगर युनाइटेड, टिम चौराह धनगढी, सीवाइसी अत्तरिया, रुपन्देही च्यालेन्जर्स, काठमाडौँ गोल्डेन्स र विराटनगर किंग्सको सहभागिता रहने आयोजक संस्थाका अध्यक्ष सुवास शाहीले जानकारी दिए । थप पढ्नुहोस्

विश्व क्रिकेट लिगका लागि नेपाली टोलीको घोषणा

११ मंसिर, काठमाडौं । विश्व क्रिकेट लिग च्याम्पियनसिप अन्तर्गत संयुक्त अरब इमिरेट्स (युएई) विरुद्ध दुई खेलका लाागि पारस खड्काको कप्तानीमा १८ सदस्यीय नेपाली टोली घोषणा गरिएको छ । यही मंसिर २० र २२ गते युएईको अबुधावीस्थित शेख जायेद रंगशालामा हुने खेलका लागि चार वैकल्पिक खेलाडीसहित १८ सदस्ययी टोलीको घोषणा गरिएको हो । आइसिसी प्रतिनिधि अमिनुल इस्लाम, राष्ट्रिय टिमका मुख्य प्रशिक्षक जगत टमाटा र कप्तान पारस खड्का सम्मिलित छनोट समितिले उक्त खेलाडी छनोट गरेको हो । थप पढ्नुहोस्
1 2