उधारो ठेक्काले बहुवर्षीय आयोजना अलपत्र

२९ चैत, काठमाडौं । सडक विभागले बजेटको बन्दोबस्तीबिना बहुवर्षीय ठेक्का गर्दा साढे दुई खर्ब रुपैयाँ बराबरका एक हजारभन्दा बढी योजना अलपत्र परेका छन् । यसले गर्दा विभागको आर्थिक दायित्व मात्र सिर्जना भएको छ भने योजना पूरा हुने अत्तोपत्तो छैन। अर्थ मन्त्रालयले योजनाको सहमति दिने तर बजेट निकासा नगर्ने प्रवृत्ति बढेपछि यस्तो अवस्था उत्पन्न भएको हो। चार, पाँच वर्षभित्र सक्ने गरी ठेक्का लागेका तर भुक्तानी दिने पर्याप्त रकम नभएका भौतिक पूर्वाधार तथा यातायात मन्त्रालयका ८१ वटा कार्यक्रमअन्तर्गत हजारभन्दा बढी योजना सञ्चालनमा छन् । थप पढ्नुहोस्

चैत ३० देखि वैशाख ३ सम्म पुष्प मेला हुने

२८ चैत, काठमाडौं । पुष्प व्यवसायको विकास र विस्तारका लागि यही चैत ३० देखि आगामी वैशाख ३ सम्म पुष्प प्रदर्शनी २०१८ हुने भएको छ । फ्लोरिकल्चर एशोसिएशन नेपालले मंगलबार गरेको पत्रकार सम्मेलनमा ‘स्वच्छ वातावरण तथा आर्थिक समृद्धिका लागि पुष्प व्यवसाय’ भन्ने मूल नाराका साथ भृकुटीमण्डपमा मेला हुन लागेको जनाएको छ । मेलामा मौसमी फूल, आलङ्कारिक बोटबिरुवा, सभा सम्मेलनका लागि प्रयोग गरिने कट फ्लावर, फूलको गानो, बीउबिजन, हरितगृह, कृषि औजारजस्ता सामग्री रहने छन् । मेलामा फूलका ८२ कक्ष रहने छन् । थप पढ्नुहोस्

नयाँ बसपार्कदेखि सिनामंगलसम्म थप सत्र ठूला बस सञ्चालन हुने

२५ चैत, काठमाडौं । दिगो सार्वजनिक यातायात प्रालिले नयाँ बसपार्कदेखि सिनामंगलसम्म सत्र ठूला बस सञ्चालन गर्ने भएको छ । प्रालिले सिनामंगल सफा परिवहन समिति र सामाखुशी यातायात व्यवसायी समितिको संयुक्त लगानीमा नयाँ बसपार्क, गोँगबु, गल्कोपाखा, लैनचौर, जमल, कमलपोखरी, मैतीदेवी हुँदै सिनामंगलसम्म सत्र नयाँ बस सञ्चालन गर्न लागेको हो । सामाखुशी यातायात व्यवसायी संघका सचिव लालप्रसाद गुरागाँईले रु ७ करोडको लगानीमा ५० सिट क्षमता भएका सत्र ठूला बस सञ्चालन गर्न लागेको जानकारी दिए । थप पढ्नुहोस्

कृषक प्रोत्साहनका लागि आर्थिक सहयोग

२४ चैत, काठमाडौं । रुपा गाउँपालिका कार्यालयले पशुपालक कृषकलाई प्रोत्साहनका लागि आर्थिक सहयोग उपलब्ध गराएको छ । कास्की जिल्लाको क्षेत्रफलका आधारमा सबैभन्दा सानो गाउँपालिकामा शुक्रबार उन्नत जातका बोका, राँगो, गोठ र भकारो सुधारका लागि करीब रु दुई लाख ६१ हजार बराबरको आर्थिक सहयोग वितरण गरिएको हो । गाउँसभाको निर्णयअनुसार उन्नत जातका राँगो र बोका खरिदका लागि क्रमशः रु ४० हजार र रु १५ हजार समूहगत रुपमा तथा भकारो र गोठ सुधारका लागि प्रतिकृषक रु १०÷१० हजारका दरले नगद उपलब्ध गराइएको हो । थप पढ्नुहोस्

नाफा खोज्दै सीता र गोमा एयरलायन्सले उडन बन्द गरेपछि हवाई टिकट पाउन कठिन

२४ चैत, काठमाडौं । दुर्गम हिमाली जिल्लामा यातायातको एकमात्रको विकल्पको रुपमा रहेको हवाइ सेवाको टिकट पाउन हप्ता दिनसम्म कुर्नुपर्ने बाध्यता रहेको सर्वसाधारणले गुनासो गरेका छन् । अहिले जुफाल विमानस्थलमा हवाई नियमित उडान गरिरहेका सीता र गोमा एयरले झन्डै दुई सातादेखि पश्चिम उडान बन्द गरेर पूर्व उडान शुरु गरेपछि जुफाल विमानस्थलमा हवाई टिकट पाउन कठिनाइ भएको छ । जुफाल विमानस्थलमा सर्वसाधारणलाई हवाई टिकेटको समस्या बड्दो छ, पहुँच र भनसुनको आधारमा हवाई टिकट बाँड्ने परिपाटीले सर्वसाधारणलाई हरेक दिन समस्या हुने गरेको बुटवल निवासी गोपाल पौडेलले बताए । थप पढ्नुहोस्

श्वेतपत्रमा राम्रा पक्ष चर्चा गर्न जरुरत छैन : अर्थमन्त्री

चैत २३, काठमाडौं । अर्थमन्त्री डा. युवराज खतिवडाले सरकारले जारी गरेको श्वेतपत्रमा नकारात्मक पक्ष र समस्याका विषयहरू उठान गरिएको स्वीकार गरेका छन् । “श्वेतपत्रमा देखाइएको कुराहरू अहिलेको अर्थ व्यवस्थाको यथार्थ तस्बिर हुन्,” नेपाल आर्थिक पत्रकार समाज (सेजन)सँगको भेटमा उनले भने, “अर्थतन्त्रमा राम्रो पक्ष छँदै छैनन् भनेको होइन, यो–यो क्षेत्रमा सुधार गर्छौं भनेर कमजोरी औंल्याइएको हो ।” उनले पहिलेको तुलनामा अर्थतन्त्रमा निकै सुधार आएको भन्दै अहिले देखिएका समस्यालाई सुधारका लागि एजेण्डाका रूपमा प्रस्तुत गर्न खोजिएको बताए । थप पढ्नुहोस्

अघि बढ्यो, निजगढ अन्तर्राष्ट्रिय विमानस्थल निर्माणकार्य

२२ चैत, काठमाडौं । राष्ट्रिय गौरवको आयोजनाको रुपमा रहेको बहुप्रतिक्षित निजगढ दोस्रो अन्तर्राष्ट्रिय विमानस्थलको निर्माण प्रक्रिया अघि बढेको छ । बारा जिल्लामा प्रस्तावित सो विमानस्थलको निर्माण कार्य संस्कृति, पर्यटन तथा नागरिक उड्डयन मन्त्रालयले अघि बढाउने निर्णय गरेको हो । लामो समयदेखि प्रतिक्षारत उक्त परियोजनालाई शीघ्र अगाडि बढाई निर्माणलाई तीव्रता दिन प्रक्रिया अघि बढाइएको मन्त्रालयले जनाएको छ । थप पढ्नुहोस्

प्राकृतिक छटाले भरिएको गाजा दह पर्यटकको पर्खाइमा

२२ चैत, काठमाडौं । बागलुङ, प्राकृतिक सुन्दरतायुक्त गाजाको दह पर्यटकको पर्खाइमा छ । जैमिनी नगरपालिका–३ स्थित दह जिल्लाको पर्यटकीय गन्तव्यमध्येको एक हो । सदरमुकामदेखि मोटरमा २४ किमी पार गरेपछि दह पुग्न सकिन्छ । पदयात्रामा रमाउने पर्यटक भने चार÷पाँच घण्टामा दह पुग्न सक्छन् । दुई हजार ८०० मिटरको उचाइमा अवस्थित दहलाई स्थानीयले प्रकृतिको अनुपम देन मान्छन् । सांस्कृतिक कारणले पनि दहको महत्व बढी छ । दहबाट देखिने हिमाली दृश्यले त झन सबैको मन लोभ्याउने गरेको छ । वसन्त याममा ढकमक्क फुल्ने गुराँसले दहको सौन्दर्य बढाउने गरेको छ । थप पढ्नुहोस्

थुप्रै सडक र पुलका योजना अलपत्र, राजनीतिक संरक्षणमा ठेकेदार कम्पनी

२२ चैत, काठमाडौं । जिल्ला डिभिजन सडक कार्यालयद्वारा सञ्चालित एक दर्जनभन्दा बढी योजना लामो समयदेखि अलपत्र छन् । सिरहा, सप्तरी र उदयपुर जिल्लाका सडक तथा पुलका योजना सडक कार्यालयका कर्मचारी र ठेकेदार कम्पनीको लापर्बाहीका कारण अलपत्र परेका हुन् । ठेक्का लिएर पनि समयमा काम सम्पन्न नगर्ने र अलपत्र अवस्थामा छाड्ने ठेकेदार कम्पनीमाथि कारबाही गर्न महालेखा परीक्षकको कार्यालयले गरेको लेखा परीक्षणले प्रतिवेदन दिए पनि जिल्ला सडक कार्यालयका कर्मचारीको मिलोमतोमा ती ठेकेदारमाथि कुनै कारबाही नभएको गुनासो बढेको छ । थप पढ्नुहोस्

मित्रवत् व्यवहारको अपेक्षा सहित प्रधानमन्त्री ओली भारत भ्रमणको तयारीमा, इनर्जी बैंकिङलाई विशेष जोड

२२ चैत, काठमाडौं । प्रधानमन्त्री केपी शर्मा ओलीले भारतको राजकीय भ्रमणमा इनर्जी बैंकिङको विषयलाई प्राथमिकताका साथ उठाउने तयारी गरेका छन् । माथिल्लो तामाकोशी जलविद्युत् आयोजनाजस्ता केही महत्वपूर्ण परियोजना निर्माण सम्पन्न भएपछि बर्खायाममा विद्युत् खेर जाने भएकाले त्यसलाई जोगाउन पनि इनर्जी बैंकिङको अवधारणालाई विशेष प्राथमिकतामा राखिएको हो । नेपाल विद्युत् प्राधिकरणको सहायक कम्पनी माथिल्लो तामाकोशी जलविद्युत् कम्पनीले निर्माण गरिरहेको ४५६ मेगावाट क्षमताको माथिल्लो तामाकोशी आयोजना २०७५ मंसिर मसान्तसम्म निर्माण सम्पन्न हुने क्रममा रहेको छ । थप पढ्नुहोस्
1 2 3 4 43