नेपाली चिनियाँ चित्रकला प्रदर्शनी हुने

१८ माघ, काठमाडौं । नेपाल कला परिषद् र नेपाल चीन ओबोर संस्कृति आदानप्रदान प्रवद्र्धन संस्थाको आयोजनामा शनिबार परिषद्, बबरमहलमा समसामयिक नेपाली चित्रकला र चिनियाँ लाक्वेर(रोगन) चित्रकला प्रदर्शनी हुने भएको छ । न्यू आर्ट सर्कल सहप्रायोजक रहने सो प्रदर्शनीमा नेपालका शङ्करनाथ रिमाल, नरेशसुन्दर सैँजू, हरिबहादुर खड्का, जीवन राजोपाध्याय, रत्नकाजी शाक्य, टार्जन साङ्पाङ, शान्तकुमार राई, किरण मानन्धर र कृष्ण मानन्धर तथा चीनका ३५ कलाकार सहभागी हुनेछन् । थप पढ्नुहोस्

चोरिएर डेनमार्कको संग्रहालयमा पुगेका मूर्तिको तस्बिर प्रदर्शनी शुरु

७ माघ, काठमाडौं । नेपालको विभिन्न मन्दिरबाट चोरी भएर डेनमार्कको संग्रहालयमा पुगेको महत्वपूर्ण एवं बहुमूल्य मूर्तिको तस्बिरको तीनदिने प्रदर्शनी आजदेखि शुरु भएको छ । भक्तपुरको दत्तात्रय स्थित ‘द हेरिटेज ग्यालरी’ मा १९ मूर्तिको तस्बिर प्रदर्शनीमा राखिएको आरपी फाउण्डेसनका निर्देशक एवं सम्पदाकर्मी रवीन्द्र पुरीले बताए । थप पढ्नुहोस्

२५ हजार दर्शकले अवलोकन गरेको मेलामा एकैदिन ४ करोडको कारोबार

२ माघ, काठमाडौं । पोखराको नयाँबजारमा जारी ‘सफल राष्ट्रिय औद्योगिक व्यापार मेला तथा दोस्रो मोबाइल मेला २०७४, पोखरा’मा सोमबार एकैदिन २५ हजार जनाले मेलाको अवलोकन गरेका छन् । संघका अध्यक्ष विश्वशंकर पालिखेका अनुसार माघे सङ्क्रान्ति परेका कारण मेलामा अवलोकनकर्ता र कारोबार दुवै बढेको हो । मेलामा करिब चार करोडको कारोबार भएको अनुमान गरिएको बताउँदै उनले घरायसी सामानको किनमेल गर्ने गृहिणीको विशेष आकर्षण देखिएको उल्लेख गरे । संघका महासचिव दामु अधिकारीले मेला अगाडि बढ्दै गर्दा व्यवस्थापनलाई चुस्त र दुरुस्त बनाएको बताए । थप पढ्नुहोस्

प्रज्ञा प्रतिष्ठानमा पुस्तक र चित्र’ को प्रदर्शनी शुरु

२५ पुस, काठमाडौं । राष्ट्रनिर्माता पृथ्वीनारायण शाहको २९६ औँ जन्मजयन्ती तथा राष्ट्रिय एकता दिवसको अवसर पारेर ‘पुस्तक र चित्र’ को प्रदर्शनी आजदेखि शुरु गरिएको छ । नेपाल प्रज्ञा प्रतिष्ठान र नेपाल ललितकला प्रज्ञा प्रतिष्ठानले संयुक्तरुपमा कमलादीस्थित प्रज्ञा प्रतिष्ठानको परिसरमा शुरु गरेको सो प्रदर्शनी आगामी माघ १० गतेसम्म सञ्चालन हुने आयोजकले जानकारी दिएका छन् । प्रदर्शनीमा विभिन्न कलाकारले सिर्जना गरेका २७ चित्र तथा नेपाल प्रज्ञा प्रतिष्ठानले प्रकाशन गरेका विभिन्न शीर्षक र विधाका करिब ४०० कृति राखिएको छ । थप पढ्नुहोस्

कोरियामा नेपाल प्रवद्र्धन

१७ कात्तिक, काठमाडौं । नेपालमा कोरियाली पर्यटकको आगमनमा वृद्धि तथा लगानी आकर्षण गर्ने उद्देश्यले दक्षिण कोरियाको सिओलमा नेपाल प्रवद्र्धनात्मक कार्यक्रम गरिएको छ । नेपालस्थित कोरियाली दूतावास, नेपाली दूतावास कोरिया तथा नेपाल कोरिया चेम्बर अफ कमर्सलगायत संस्थाको आयोजना तथा नेपाल पर्यटन बोर्ड र होटल एसोसिएसन अफ नेपाल (हान) को सहकार्यमा आज सिओलमा नेपाल प्रवद्र्धनात्मक कार्यक्रम गरिएको हानले प्र्रेस विज्ञप्तिमार्फत जनाएको छ । थप पढ्नुहोस्

१३औं पुष्प प्रदर्शनी शुक्रबारदेखि जावलाखेलमा

२५ असोज, काठमाडौं । फ्लोरिकल्चर एशोसिएशन नेपालले दीपावलीको अवसर पारेर ललितपुर, जावलाखेलमा ११औँ गोदावरी पुष्प प्रतियोगितात्मक प्रदर्शनी मेला हुने भएको छ । यही असोज २७ गतेदेखि २९ गतेसम्म जावलाखेलको खेल मैदानमा सञ्चालन हुने मेलामा पुष्प व्यवसाय प्रवद्र्धनका सम्बन्धमा तथा पुष्पको जातीय विकास एवं गुणस्तरीय उत्पादनमा अन्तक्र्रिया समेत हुनेछ । आज आयोजना गरिएको पत्रकार सम्मेलनमा एशोसिएशनका अध्यक्ष कुमार कसजु श्रेष्ठले पुष्प व्यवसायीले उत्पादन गरेका फूललाई आम जनमानसलाई देखाउन र गुणस्तरीय फूलको व्यापार गर्नका लागि यो प्रदर्शनी गर्न लागेको जानकारी दिए । थप पढ्नुहोस्

चितवनमा अन्तर्राष्ट्रिय पोल्ट्री एक्स्पोको तयारी तीव्र

२३ असोज, काठमाडौं । नेपाल पोल्ट्री महासंघले चितवनमा गर्न लागेको अन्तर्राष्ट्रिय पोल्ट्री तथा लाइभस्टक एक्स्पो, २०१७ को तयारी तीव्र पारेको छ । आगामी कात्तिक १७ गतेदेखि तीन दिनसम्म भरतपुरको औद्योगिक प्रदर्शनीस्थलमा एक्स्पो हुँदैछ । महासंघका उपाध्यक्ष टीकाराम पोख्रेलका अनुसार एक्स्पोमा विदेशी १०० वटा र नेपाली १०० वटा कक्ष रहने छ । भारत, चीन, अमेरिका, जर्मनी, फ्रान्सलगायत देशका व्यवसायीले कक्ष बुकिङ गरिरहेका छन् । करिब १२ देशका व्यवसायी सहभागी हुने अनुमान गरिएको सो एक्स्पोमा पोल्ट्रीसँग सम्बन्धित सबैखाले उत्पादनको कक्ष रहने छ । थप पढ्नुहोस्

काठमाडौंमा पाकिस्तानी प्रदर्शनी शुरु

२८ भदौ, काठमाडौं । पाकिस्तानमा निर्मित विभिन्न सामग्री (मेड इन पाकिस्तान)को आठौँ संस्करणको प्रदर्शनी त्रिपुरेश्वरस्थित ट्रेड सेन्टरमा शुरु भएको छ । नेपाल र पाकिस्तानबीचको आपसी सम्बन्ध तथा व्यापार अभिवृद्धि गर्ने ध्येयले आयोजित सो प्रदर्शनीमा विशेषगरी छालाका सामग्री, हस्तकलालगायतका सामग्री छन् । यहाँस्थित पाकिस्तानी राजदूतावासले विगत केही वर्षदेखि यस किसिमका मेलाको संयोजन गर्दै आएको छ । नेपाल–पाकिस्तानबीच सन् १९६० मा कूटनीतिक सम्बन्ध स्थापना भएको थियो । पाकिस्तान दक्षिण एशियाली क्षेत्रीय सहयोग संगठन (सार्क)का संस्थापन सदस्य देश हो । थप पढ्नुहोस्

मिस टुरिजमको दोस्रो संस्करण कात्तिक १८ गते, आवेदन दिने अन्तिम म्याद असोज ६ गतेसम्म

१८ भदौ, काठमाडौं । मिस टुरिजमको दोस्रो संस्करण आगामी कात्तिक १८ गते आयोजना हुने भएको छ । प्वाइन्ट मिडिया प्रा.लि.ले गतवर्ष झैँ यसवर्ष पनि प्रतियोगिता गर्न लागेको पत्रकार सम्मेलनमा जानकारी दिइयो । राष्ट्रिय तथा अन्तर्राष्ट्रिय रुपमा पर्यटन प्रवद्र्धन गर्ने उद्देश्यले ‘मिस टुरिजम–२०१७’ आयोजना गर्न लागिएको प्वाईन्ट मिडियाका प्रबन्ध निर्देशक नवीन काफ्लेले बताए । यसपटक “मिस टुरिजम–२०१७” मा सहभागी हुन चाहनेहरुका लागि भोलि सोमबारदेखि असोज ६ गतेसम्म देशभर आवेदन खुल्ला गरिएको आयोजकले जनाएका छन् । थप पढ्नुहोस्

फर्निचर प्रदर्शनी ३५ हजारले गरे अवलोकन, काठमाडौं उपत्यकामा मात्रै वार्षिक ४ अर्बको कारोबार

८ भदौ, काठमाडौं । नेपाल फर्निचर तथा फर्निसिङ संघले स्वदेशी फर्निचर उद्योग प्रवद्र्धन गर्ने उद्देश्यले यही भदौ ३ देखि ७ गतेसम्म आयोजना गरेको फर्निचर तथा फर्निसिङ प्रदर्शनीमा ३५ हजार दर्शकले बुधबार अवलोकन गर्दै सम्पन्न भएको छ । दैनिक जीवनमा उपभोग हुने काठ तथा काष्ठजन्य विभिन्न सामग्रीबाट बनेका आकर्षक दराज, टेबल, कुर्सी, पलङलगायत फर्निचर प्रदर्शनीमा राखिएको थियो । स्वदेशी व्यवसायीका ४७ ठूला उद्योगका कक्ष तथा १९ साना कक्ष राखिएको प्रदर्शनीमा दर्शक तथा उपभोक्ताले आफूलाई चाहिने सामग्री बुकिङ गरेका थिए । थप पढ्नुहोस्
1 2