बैंकिङ कसूर गरेको आरोपमा रावा बैंकका थप एक कर्मचारी पक्राउ

५ भदौ, काठमाडौं । बैंकिङ कसूर गरी सेवाग्राहीका रु ४० लाख निकालेर हिनामिना गरेको आरोपमा प्रहरीले महोत्तरीको राष्ट्रिय वाणिज्य बैंकका थप एक जना कर्मचारीलाई पक्राउ गरेको छ । पक्राउपर्नेमा रावा बैंक जलेश्वर शाखामा वरिष्ठ सहायक पदमा टेक्निसियन भएर काम गर्दै आएका जलेश्वर नगरपालिका– २ बस्ने ५७ वर्षीय महेन्द्र साह रहेको जिल्ला प्रहरी कार्यालय महोत्तरीका प्रहरी उपरीक्षक कुवेर कठायतले बताए । थप पढ्नुहोस्

शेयर बजारमा दोहोरो अंकको गिरावट

३१ साउन, काठमाडौं। धितोपत्र बजार आज दोहोरो अंकले ओरालो लागेको छ । बाढी पहिरोका कारण मुलुक प्रभावित भएपछि बजार पनि प्रभावित बन्न पुगेको छ । नेपाल स्टक एक्सचेन्जका अनुसार १६० कम्पनीको १६ लाख १५ हजार ७३८ कित्ता शेयर रु ७८ करोड ३६ लाख सात हजार ४०८ मा किनबेच भएको छ । बजार १२.९७ अंकले ओरालो लागेर एक हजार ६२९.१६ अंकमा आइपुगेको छ । आज होटल समूहबाहेक अरु सबै समूहको सूचक रातो भएका छन् । थप पढ्नुहोस्

सल्यानको खलंगामा मेगा बैंकको शाखा

१४ साउन, काठमाडौं । मेगा बैंकले सल्यानको खलंगामा नयाँ शाखा खोलेको छ । यूकेएड सक्षम एक्सेस टु फाइनान्स कार्यक्रमको साझेदारीमा बैंकले यो शाखा खोलेको हो । बैंकको यो ४८ औं शाखा हो । सल्यान, खलंगामा आफ्नो शाखा खोल्ने मेगा बैंक दोस्रो निजी वाणिज्य बैंक भएको छ । खलंगामा सानो बजार रहे पनि धेरै सरकारी तथा निजी कार्यालयहरूको आवश्यकताहरूलाई परिपूर्ति गर्ने यो शाखा सक्षम हुने बैंकको विश्वास छ । थप पढ्नुहोस्

प्रिमियम संकलनमा प्रुडेन्सियल अगाडि

१४ साउन,मकवानपुर । निर्जीवन बीमा कम्पनीका हेटौंडास्थित शाखा कार्यालयले आव २०७३ र ७४ मा ३५ करोड बीमा प्रिमियम संकलन गरेका छन् । हेटौंडामा १६ कम्पनीले शाखा विस्तार गरी सेवा प्रदान गरिरहेका छन् । असारसम्मको तथ्यांक अनुसार सबैभन्दा बढी ६ करोड १० लाख रुपैयाँ बीमा प्रिमियम प्रुडेन्सियल इन्स्योरेन्स कम्पनीले संकलन गरेको छ । शिखर इन्स्योरेन्सले ५ करोड ८७ लाख रुपैयाँ संकलन गरेको छ । वर्गीकृतरुपमा हेर्दा अग्नि बीमामा नेको इन्स्योरेन्स, मोटर बीमामा शिखर र विविध तथा कृषि बीमामा प्रुडेन्सियल अगाडि देखिएको छ । थप पढ्नुहोस्

एनएमबि बैंकको मुनाफा ३५ प्रतिशले वृद्धि, लाभांश क्षमता १९ प्रतिशत

१२ साउन, काठमाडौं । एनएमबि बैंक लिमिटेडले गत आर्थिक वर्षको २०७३र७४को चौथो त्रैमासमा खुद मुनाफा अघिल्लो वर्षको तुलनाभन्दा ३५ दशमलव ५४ प्रतिशत वृद्धि गरी १ अर्ब ५१ करोड १३ लाख रुपैयाँ आर्जन गरेको छ । गत आर्थिक वर्षको चौथो त्रैमासमा बैंकले मुनाफा १ अर्ब ११ करोड ५० लाख रुपैयाँ मुनाफा आर्जन गरेको थियो । ६ अर्ब ४६ करोड १७ लाख रुपैयाँ चुक्ता पूँजी भएको बैंकले जगेडाकोषमा ४ अर्ब २६ करोड ९४ लाख रुपैयाँ राखेको छ । गत आर्थिक वर्षको चौथो त्रैमासमा ४ अर्ब ४८ करोड रुपैयाँ चुक्ता पुँजी रहेको बैंकले हाल ४४ प्रतिशतले वृद्धि गरी चुँक्ता पुँजी ६ अर्ब ४६ करोड १७ लाख रुपैयाँ पुगेको छ । थप पढ्नुहोस्

एनएमबी बैंकले ल्यायो पूर्णरूपमा स्वचालित बैंकिङ सेवा

११ साउन, काठमाडौं । एनएमबी बैंकले नेपालमा पूर्णरूपमा स्वचालित बैंकिङ सेवा सुरु गर्न सिङ्गापुर स्थित सेवा प्रदायक कम्पनी–बैंक जिनीसँग सम्झौता गरेको छ । यस सम्झौता अनुरूप एनएमबी बैंकले बैंक जिनी सँगको सहकार्यमा ट्याब्लेट उपकरणमा आधारित स्मार्ट टेलर सेवा सञ्चालन गर्दै स्वचालित बैंकिङ सेवा प्रदान गर्नेछ । सम्झौतामा बैंकका तर्फबाट प्रमुख कार्यकारी अधिकृत सुनिल के.सी र जिनीका तर्फबाट रामकुमार शर्माले दस्तखत गरेका छन् । प्रमुख कार्यकारी अधिकृत सुनिल के.सीले, एनएमबी बैंक बैंकिङ क्षेत्रमा नविनतम् सेवा पु¥याउन अग्रसर रहेको उल्लेख गरे । थप पढ्नुहोस्

लक्ष्मी भ्यालु फण्डले २५ प्रतिशत लाभांश दिने

११ साउन, काठमाडौं । लक्ष्मी भ्यालु फण्ड १ ले इकाई भनी लगानीकर्तालाई २५ प्रतिशत नगद लाभांश दिने भएको छ । लक्ष्मी क्यापिटलले सञ्चालनमा ल्याएको यो कम्पनीको पहिलो सामूहिक लगानी कोष योजना हो । कम्पनीको १० गते बसेको सञ्चालक समितिले यस्तो निर्णय गरेको हो । कम्पनीले सार्वजनिक गरेको असारसम्मको वित्तीय विवरण अनुसार लक्ष्मी भ्यालु फण्डको प्रति इकाइ खुद मूल्य १३ रुपैयाँ ९८ पैसा रहेको छ । यो योजनाको नाफा १४ करोड ७९ लाख रुपैयाँ रहेको छ । योजनाको रकम ४० सूचीकृत संस्थामा लगानी भएको छ जसको बजार मूल्य ३२ करोड ९४ लाख रहेको छ । थप पढ्नुहोस्

नेपाल लाईफ इन्स्योरेन्सको उपशाखा गौरादहमा

११ साउन,काठमाडौं । नेपाल लाईफ इन्स्योरेन्स कम्पनीले गौरादहमा उपशाखा कार्यालय सञ्चालनमा ल्याएको छ । कम्पनीले जीवन बीमाको बजार विस्तार गर्दै आफ्ना सेवाग्राहीहरुलाई गुणात्मक जीवन बीमा सेवा उपलब्ध गराउने उद्देश्यले झापाको गौरादहमा उपशाखा स्थापना गरेको कम्पनीले जनाएको छ । समग्र बीमा क्षेत्रको विकास र बिस्तारका लागि सशक्त रुपमा जनचेतनामुलक कार्यक्रमहरु संचालनको आवश्यकता रहेको भन्दै नेपालको महत्वपूर्ण क्षेत्रको रुपमा रहेको कृषि क्षेत्रको बिकासका लागि सरकारी स्तरबाट समेत कृषि बीमामा अनुदानको व्यवस्था भएकोले यसको लाभ उठाउन कम्पनीले आग्रह गरेको छ । थप पढ्नुहोस्

अव प्रभु बैंकको शाखा गुर्जुधारामा

१० साउन, काठमाडौं । प्रभु बैंकले काठमाडौंको गुर्जुधारामा शाखा कार्यालय स्थापना गरेको छ । सोमवार बैंकको शाखा कार्यालयको उद्घाटन सभासद राजेन्द्र कुमार केसीले गरेका छन् । बैंकले उपत्यका भित्रका बैंकिङ्गको पहुँच नपुगेको स्थानमा शाखा खोल्ने क्रममा गुर्जुधारामा शाखा कार्यालय स्थापना गरेको जनाएको छ । सो शाखा मार्फत काठमाण्डौ क्षेत्र नम्बर १० का उद्योगी, व्यवसायी, शैक्षिक संस्था, स्वास्थ्य संस्था,लगायत सर्वसाधारणहरुले बचत,कर्जासंगै अन्य बैंकिङ्ग सुविधाहरु सरल र सहजरुपमा प्राप्त गर्ने विश्वास बैंकले लिएको छ । थप पढ्नुहोस्

जनप्रतिनिधि बैंक र वित्तीय संस्थाको सञ्चालक हुन नपाउने

९ साउन, काठमाडौं । जनताबाट निर्वाचित जनप्रतिनिधिले बैंक तथा वित्तीय संस्थाको सञ्चालक तथा अध्यक्ष हुन नपाउने भएका छन् । नेपाल राष्ट्र बैंकले सोमबार निर्देशिका जारी गरी स्थानीय तह, प्रदेश र संघीय निर्वाचनबाट निर्वाचित जनप्रतिनिधिले बैंक तथा वित्तीय संस्थाको सञ्चालक हुन नपाउने व्यवस्था गरिएको जानकारी गराएको छ । बैंक तथा वित्तीय संस्था ऐनमा भएको प्रावधानबमोजिम केन्द्रीय बैंकले निर्देशिका जारी गरेको हो । थप पढ्नुहोस्
1 2 3 4 5