तामाङ चलचित्र ‘घ्रान’ (कसम) निर्माण हुँदै

२६ माघ, काठमाडौं । तामाङ जातिको संस्कृति तथा भाषा संरक्षण गर्ने उद्देश्यले तामाङ भाषामा चलचित्र घ्रान ‘कसम’ निर्माण गरिने भएको छ । मोक्तान फिल्म्स प्रालिको प्रस्तुतिमा निर्माण गरिने चलचित्रले समाजमा प्रजातान्त्रिक प्रणाली विकास गर्ने क्रममा सामन्ति वर्गसँगको संघर्ष, वर्ग संघर्षका क्रममा एउटा परिवारको अभिभावकले ज्यान गुमाउन परेको, त्यसपछि उनका सन्ततिले समाजमा समानता, सामाजिक न्याय र प्रजातन्त्रको स्थापनाका लागि निर्वाह गरेको भूमिकाका बारे कथा समावेश गरिएको छ । थप पढ्नुहोस्

साहित्यकार ब्राजाकीको अन्त्येष्टि, हृदयघातले किरियापुत्रीको निधन

१९ माघ, काठमाडौं । साहित्यकार मनु ब्राजाकीको धार्मिक विधिअनुसार पशुपति आर्यघाटमा आज अन्तिम संस्कार गरिएको छ । उनको पार्थिव शरीरमा उनका सुपुत्र अमितसिंह भण्डारीले दागबत्ती दिएका थिए । साहित्यकार ब्राजाकीलाई अन्तिम श्रद्धाञ्जलि दिन पशुपति आर्यघाटमा साहित्यकार, लेखकलगायत विभिन्न क्षेत्रका व्यक्तिको भीड थियो । साहित्यकार ब्राजाकीको आज बिहान १०ः३० बजे ७५ वर्षका उमेरमा पाटन अस्पतालमा उपचारका क्रममा निधन भएको थियो । विसं २०६० देखि मस्तिष्क शिरोघात समस्याले पीडित ब्राजाकी मंसिर अन्तिम साता अस्पताल भर्ना भएका थिए । थप पढ्नुहोस्

फागुन १ गतेदेखि चलचित्र घरमा ‘बक्स अफिस’ लागू हुने

१९ माघ, काठमाडौं । सरकारले चलचित्र क्षेत्रलाई मर्यादित र पारदर्शी बनाउन आगामी फागुन १ गतेदेखि चलचित्र घरमा केन्द्रिकृत सिनेमा बक्स अफिस व्यवस्थापन प्रणाली (बक्स अफिस म्यानेजमेन्ट सिस्टम) लागू गर्ने भएको छ । चलचित्र विकास बोर्डलगायत चलचित्रसँग सम्बन्धित विभिन्न संघसंस्थाले राख्दै आएको माग पूरा हुने भएपछि काठमाडौँ उपत्यकाभित्र सञ्चालनमा रहेका मल्टिप्लेक्स चलचित्र हलमा सो प्रणाली लागू हुने भएको हो । थप पढ्नुहोस्

अन्तर्वार्ता दिएकै कारण प्राध्यापक पक्राउ

१८ माघ, काठमाडौं । गाम्बियाको प्रहरीले पत्रिकामा अन्तर्वार्ता दिएकै कारण विश्वविद्यालयका एक प्राध्यापकलाई पक्राउ गरेको छ । अन्तर्वार्तामा राष्ट्रिय सुरक्षाको विषयलाई लिएर राष्ट्रपतिको क्षमतामा प्रश्न उठाएकाले उनलाई रातभरी थुनामा राखिएको एएफपीले बिहीबार जनाएको छ । अभियन्ताहरूले उहाँलाई पक्राउ गरेर सरकारी पक्षले वाक स्वतन्त्रतामा क्षति पुर्याएको भन्दै चिन्ता व्यक्त गरेका छन् । नयाँ सरकारले मानवअधिकार, वाक स्वतन्त्रता, प्रेस स्वतन्त्रता लगायतका अधिकारप्रति पटक पटक प्रतिबद्धता जनाएको थियो । थप पढ्नुहोस्

७० वर्षमा पूर्वमन्त्री बस्नेतका बाबु चालक अनुमति परीक्षा उत्तीर्ण

९ माघ, काठमाडौं । भक्तपुरका एक वृद्धले सवारी चालक अनुमतिपत्रको परीक्षा उत्तीर्ण गरेका छन्। सूर्यविनायक नगरपालिकाका–७ गुण्डुका पूर्णबहादुर बस्नेतले ७० वर्षको उमेरमा स्कुटरको परीक्षा उत्तीर्ण गरेका हुन् । आइतबार लिखित परीक्षा उत्तीर्ण गरेका बस्नेतले आज प्रयोगात्मक परीक्षा पनि उत्तीर्ण गरेका छन् । प्रतिनिधिसभाका नवनिर्वाचित सदस्य महेश बस्नेतका पिता पूर्णबहादुरले ३९ वर्षदेखि साइकल चलाउँदै आएका थिए । दुई वर्षअघि नातिनीको स्कुटर चलाउन थालेका पूर्णबहादुरले स्कुटरमा श्रीमतीलाई राखेर धार्मिक मठमन्दिरमा जान अब सजिलो भएको बताए । थप पढ्नुहोस्

मागीमा सिस्नु हानाहान र गोरु जुधाइको रोचक कुरा

१ माघ, काठमाडौं । जाजरकोटका गाउँ–गाउँमा सिस्नु हानाहान गरि माघी पर्व मनाइएको छ । जिल्लाको नलगाड नगरपालिका, वारेकोट गाउँपालिका, भेरी नगरपालिकामा सिस्नु हानाहान गरी माघी पर्व मनाइन्छ । मामा छोरीलाई फूपूका छोराले सिस्नु हान्ने, साली, भिना, सोल्टी, सोल्टिनाबीच सिस्नु हानाहान गरेर मनाउने गरिन्छ । सिस्नु हानाहान गर्नका लागि अन्य जिल्लाका स्थानीयवासी यहाँ आउने गर्छन् । आजको दिन सिस्नुले नहानेमा सुँगुरको जुनी पाइने धार्मिक मान्यता रहेको छ । साथीभाइबीच जिस्किएर सिस्नु हान्ने चलन पनि रहेको छ । थप पढ्नुहोस्

‘समृद्ध नेपालको मार्गचित्र’ सार्वजनिक, पुस्तक बिक्रीबाट प्राप्त रकम धुर्मुस–सुन्तली फाउण्डेसनलाई

१ माघ, काठमाडौं । स्थानीय विकासको सेरोफेरोलाई समेटेर तयार पारिएको ‘समृद्ध नेपालको मार्गचित्र’ नामक पुस्तक आज सार्वजनिक गरिएको छ । नेकपा ९एमाले०का सचिव प्रदीप ज्ञवाली, नेकपा ९माओवादी केन्द्र०का नेता दीनानाथ शर्मा, नेपाली काँग्रेसका केन्द्रीय सदस्य बद्री पाण्डे, साझा पार्टीका नेता गोविन्दनारायण तिमिल्सिनालगायतले संयुक्तरुपमा सो पुस्तक लोकार्पण गरेका हुन् । जगन्नाथ काफ्लेद्वारा लिखित सो पुस्तकमा गाउँ र नगरलाई आगामी २० वर्षभित्र कस्तो बनाउने भन्नेबारेमा चर्चा गरिएको छ । थप पढ्नुहोस्

गोरुमेला हेर्न जानेका लागि तारुका पुग्न पक्की पुल

२९ पुस, काठमाडौं । नुवाकोटमा यस वर्षको माघे सङ्क्रान्तिमा ३० हल गोरु जुधाइने भएको छ । जिल्लाका तारुका र बेत्रावतीमा हरेक वर्ष माघे सङ्क्रान्तिमा गोरु जुधाउने गरिन्छ । तारकेश्वर गाउँपालिका–३, चन्दनी, तारुकामा भने यस वर्ष २० हल गोरु जुधाइने मेला आयोजक समितिले जनाएको छ । त्यस्तै बेत्रावतीमा १० हल गोरु जुधाइने बताइएको छ । यस वर्ष तारुका मेलास्थल पुग्न नुवाकोट, बेलकोटगढी नगरपालिका–७ र तारकेश्वर–४, बुधसिंह जोड्ने पक्की पुल बनेकाले सहज हुने प्रचारप्रसार उपसमितिका संयोजक विष्णु तारुकेले बताए । थप पढ्नुहोस्

सांस्कृतिक संस्थानको आयोजनामा नेपाली–जापानी लोकधुन प्रस्तुत, आगामी फगुनमा खुला राष्ट्रिय लोक भजन प्रतियोगिता हुने

२९ पुस, काडमाडौं । नेपाल र जापानका कलाकारले चौतारी साँझ–२०७४’ कार्यक्रममा नेपाली र जापानी गरी १४ लोकधुन प्रस्तुत गरेकाक छन् । सांस्कृतिक संस्थानको आयोजनामा भएको कार्यक्रममा लामो समयदेखि जापानमा बसेर बाँसुरी र तबलाका माध्यमबाट नेपाली गीतसंगीतको प्रवद्र्धनमा क्रियाशील चौतारी ब्याण्डका बाँसुरीवादक पञ्च लामा, तबलावादक श्रवण लामा र जापानी कलाकार तेराकादो मित्सिगुले लोकधुन प्रस्तुति दिएका हुन् । लामाद्वयले बाँसुरी र तबलाको धुन ‘जर्नी थ्रु द लाइट’ शीर्षकमा प्रस्तुति दिँदा मित्सिगुले गीतारमा साथ दिएका थिए । थप पढ्नुहोस्

नुवाकोटमा २८ हल गोरु जुध्नका लागि तयार

२८ पुस, काठमाडौं । नुवाकोटमा यो वर्षको माघे सङ्क्रान्तिमा २८ हल गोरु जुधाइने भएको छ । जिल्लाको तारुका र बेत्रावतीमा हरेक वर्ष माघे सङ्क्रान्तिमा गोरु जुधाउने गरिन्छ । तारकेश्वर गाउँपालिका–२, तारुकामा यो वर्ष १८ हल गोरु जुधाइने भएको छ । मेला आयोजक समितिका अनुसार तारुकामा माघे सङ्क्रान्तिमा जुधाउनका लागि किसानले १८ हल गोरु दर्ता गराएका छन् । तारुकेश्वर–२ का वडाध्यक्ष समरबहादुर आलेमगरले गोरु जुधाइ मेला सञ्चालनको तयारी पूरा भएको बताउनुभयो । थप पढ्नुहोस्
1 2 3 10