१४ भेन्टिलेटर खरिद गरिँदै

२ मंसिर, काठमाडौं । स्वास्थ्य सेवा विभागले चिकित्सा विधाको अत्यन्त महँगो तथा संवेदनशील उपचारका लागि अतिआवश्यक भेन्टिलेटर एकै पटक १४ वटा खरिद गर्ने भएको छ । भेन्टिलेटर खरिद गर्न तत्कालीन स्वास्थ्यमन्त्रीद्वय खगराज अधिकारी र गगनकुमार थापाले पहल गरेका थिए । अर्थ अभावले खरिद प्रक्रिया रोकिएको थियो । “यस पटक आर्थिक विनियोजनसमेत भई भेन्टिलेटर खरिदका लागि आवश्यक प्रक्रिया अगाडि बढाउन मैले स्वीकृति दिइसकेँ”, विभागका महानिर्देशक डा राजेन्द्र पन्तले जानकारी दिए । एउटा भेन्टिलेटरको करोडौँ मूल्य पर्ने बताइन्छ । थप पढ्नुहोस्

मुटुरोगको निःशुल्क उपचार प्रभावकारी बन्दै

१ मसिर, काठमाडौं । ‘‘जसले मुटुको भल्व फेर्न निःशुल्क गर्नुभयो, उहाँलाई कोटीकोटी धन्यवाद छ, हामीसँग शल्यक्रिया गर्न पैसा थिएन, निःशुल्क नभएको भए यो शल्यक्रिया हुदैन्थ्यो, उहाँले गर्दा नयाँ जीवन पाइयो ।’’ छेउमै बसिरहेकी दिदीले त्यसो भन्दै गर्दा बिरामी खेमकुमारी थामीमगर मलिन देखिन्थिन् । सानैदेखि कमजोर, राम्रै खाना खाए पनि सँधै दुब्लीभइरहने बहिनीलाई के भएको हो भन्ने थाहै नपाइ २९ वर्ष वितेको दिदीले बताइन् । रैनादेवी नगरपालिका —४ की उनलाई दुई वर्षअघि अचानक गाह्रो भएपछि बुटवलमा जाँच गराउँदा मुटुको भल्व सुकेको पत्ता लाग्यो । थप पढ्नुहोस्

प्रहरी अस्पताल सर्वसाधारणका लागि खुल्ला

२७ कात्तिक, काठमाडौं । महाराजगञ्जस्थित नेपाल प्रहरी अस्पताल सर्वसाधारणका लागि पनि खुल्ला गरिएको छ । प्रहरी महानिरीक्षक प्रकाश अर्यालले हिजो सर्वसाधारणका लागि स्वास्थ्य सेवाको शुभारम्भ गरेका हुन् । उनले संविधानले सुनिश्चित गरेको जनताले गुणस्तरीय स्वास्थ्य सेवा पाउने अधिकारलाई मौलिक हकका रुपमा ब्याख्या गरिएकाले प्रहरीले मनन् गरी आम नागरिकका लागि पनि प्रहरी अस्पताल खुल्ला गरिएको बताए । थप पढ्नुहोस्

उपत्यकामा १० वर्षसम्म मेडिकल कलेज खोल्न रोक, एक विश्व विद्यालयले बढीमा ५ वटा कलेजलाई सम्बन्धन दिन सक्ने

७ कात्तिक, काठमाडौं । चिकित्सा शिक्षामा सुधारको माग गर्दै १३औं पटकसम्म अनशन बस्दै आएका त्रिवि शिक्षण अस्पतालका प्रा.डा. गोविन्द केसीसँग सरकारले १ कात्तिकमा गरेको १० बुँदे सहमतिमा हस्ताक्षर गरेअनुसार सोमबारको मन्त्रिपरिषद् बैठकले अध्यादेशमार्फत ‘राष्ट्रिय चिकित्सा शिक्षा अध्यादेश २०७४’ जारी गरेको छ । नेपालको संविधान २०७२ को धारा ११४ मा अध्यादेशको व्यवस्था गरिएको र जारी अध्यादेश राष्ट्रपतिबाट अस्वीकृत भएमा या संघीय संसद्को दुवै सदनमा पेस भएर ६० दिनभित्र अस्वीकृत भएमा स्वतः निष्क्रिय हुने व्यवस्था छ । थप पढ्नुहोस्

बेनी अस्पतालको सेवा विस्तार भएसँगै स्वास्थ्य सेवा लिनको संख्या बढ्यो

२९ असोज, काठमाडौं । म्याग्दीको सदरमुकाम बेनीबजारस्थित बेनी अस्पतालको स्वास्थ्य सेवा प्रभावकारी बन्दै गएको छ । जिल्लामै शल्यक्रियासहितको प्रसूति सेवा, डिजिटल एक्सरे सेवा, जटिल प्रकारका शल्यक्रिया, डेन्टल र अस्पतालको आफ्नो फार्मेसी सेवा सञ्चालनमा आएपछि अस्पतालमा बिरामीको भीड बढ्नुका साथै सेवा प्रवाह प्रभावकारी बनेको हो । निक साइमन्स इस्टिच्युटको सहयोगमा शल्यक्रियासहितको प्रसूति सेवा जिल्ला अस्पतालमै सञ्चालन गरेपछि हालसम्म १७४ जनाको सफल शल्यक्रिया गरिएको अस्पतालका क्लिनिकल कोअर्डिनेटर डा धीरेन्द्रकुमार मल्लले बताए । थप पढ्नुहोस्

जिल्ला अस्पताल खोटाङको उपकरणहरु स्थानीयको घरमा, सामान राख्ने अर्जुन चौलागाईं सम्पर्क बिहीन

२५ असोज, काठमाडौं । खोटाङ जिल्ला प्रशासन कार्यालयले शिलबन्दी गरेको एउटा घर खाली गरेर तत्काल भाडा उपलब्ध गराई दिन घरधनीले प्रमुख जिल्ला अधिकारी समक्ष माग गरेका छन् । जिल्ला अस्पातलले लिलाम गरेको उपकरण राखिएको दिक्तेलस्थित रत्नपार्क नजिक रहेको घर खाली गरेर भाडा उपलब्ध गराइ दिन अनुरोध गर्दै घरधनी राजन केसीले प्रजिअ एकदेव अधिकारी समक्ष लिखित माग गरेका हुन् । २०७२ साल चैत ७ गतेबाट मासिक रु १० हजार भाडामा लिएर लिलाम गरिएको उपकरण राखिएको घरमा प्रशासनले २०७३ साल असोज १२ गते शिलबन्दी गरेको थियो । थप पढ्नुहोस्

चिकित्सकमाथि हातपात, माहाकाली अञ्चल अस्पतालको सेवा प्रभावित

२३ असोज, काठमाडौं । डियुटीमा रहेका चिकित्सकमाथि बिरामीका आफन्त हातपातमा उत्रिएपछि आइतबार बिहानदेखि कञ्चनपुरको भीमदत्तनगरस्थित महाकाली अञ्चल अस्पतालको सेवा प्रभावित बनेको छ । शनिबार राति अस्पतालमा सुत्केरी वार्डमा महिलाले बच्चा जन्माउने क्रममा मृत अवस्थामा बच्चा जन्मिएको विषयलाई लिएर सुत्केरी महिलाका आफन्तले अस्पतालका चिकित्सक, नर्स र अस्पतालको सुरक्षामा खटिएका प्रहरीमाथि हातपात गरेका थिए । आफन्तले अस्पतालका डा सत्यप्रकाश कोइरालामाथि हातपात गरेको महाकाली अञ्चल अस्पताल विकास समितिका अध्यक्ष अशोक पाण्डेयले बताताए । थप पढ्नुहोस्

महोत्तरीमा डेंगुका बिरामी बढ्दै जाँदा स्थानीय भयभित

१८ असोज, काठमाडौं । महोत्तरी जिल्लाको बर्दिवासमा मात्र दुई दिनअघि देखापरेको डेंगु रोगका बिरामीको संख्या क्रमिक रुपमा बढ्दै जाँदा स्थानीय भयभित भएका छन् । सोमबार मात्र पाँचजनामा देखा परेको डेंगु रोग अहिले क्रमिक रुपमा ३९ जनामा फैलिसकेको हुँदा बर्दिवासका बासिन्दामा सो रोगको त्रास देखिएको छ । मंगलबारसम्म बर्दिवास अस्पतालमा र स्थानीय निजी क्लिनिकमा परीक्षणका लागि आएका ३९ जनामा डेंगु रोग देखिएपछि सो क्षेत्रमा बसोवास गर्ने स्थानीय सो रोगबाट भयभित भएका छन् । थप पढ्नुहोस्

स्क्रब टाइफसको विरामी बढ्दै, दुई महिनामा २०१ संक्रमित

१० असोज, काठमाडौं । विगत दुई महिनामा २०१ जनामा स्क्रब टाइफसको संक्रमण भेटिएको छ । जिल्ला जनस्वास्थ्य कार्यालय, चितवनले दिएको जानकारीअनुसार ८१७ जनाको परीक्षण गरिएकामा सो संख्यामा संक्रमित भेटिएका हुन् । साउन १ गतेदेखि असोज ८ गतेसम्म भेटिएका संक्रमितमध्ये भरतपुर अस्पतालमा ६४, बकुलहर अस्पताल, रत्ननगरमा नौ, चितवन मेडिकल कलेजमा ५१, नारायणी सामुदायिक अस्पतालमा ६१, निर्णय डाइग्नोस्टिकमा १३, मनकामना अस्पतालमा दुई, सेन्टर अस्पतालमा एकजना संक्रमित भेटिएको जिल्ला जनस्वास्थ्य कार्यालय, चितवनका कीट नियन्त्रक राम केसीले जानकारी दिए । थप पढ्नुहोस्

जाजरकोट अस्पतालमा २४सै घण्टा आकस्मिक प्रसूति शल्यक्रिया सेवा सुरु

३१ भदौ, काठमाडौं । जाजरकोट अस्पतालमा शुक्रबारदेखि २४औँ घण्टा आकस्मिक प्रसूति शल्यक्रिया सेवा शुरु भएको छ । सांसद शक्तिबहादुर बस्नेतले औपचारिक रुपमा उद्घाटन गरी सो सेवा शुरु गरिएको हो । जाजरकोटमा सुत्केरी सेवा नहुँदा हजारौा खर्च गरेर जिल्ला बाहिर जानुपर्ने अवस्थाको अन्त्य भएको छ । कर्णाली विज्ञान प्रतिष्ठानका चिकित्सकद्वारा अस्पतालमा सो सेवा दिइने छ । सो अवसरमा नेकपा(माओवादी केन्द्र)का नेता बस्नेतले स्वास्थ्य सेवाम व्यापक सुधार गर्नुपर्नेमा जोड दिँदै निकै ठूलो मेहनतपछि सो सेवा विस्तार गरिएकाले सबैलाई सहयोग गर्न आग्रह गरे । थप पढ्नुहोस्
1 2 3