शेयर बजारमा दोहोरो अंकको गिरावट


Share This


नेपालबहस संवाददाता    90 Views

३१ साउन, काठमाडौं। धितोपत्र बजार आज दोहोरो अंकले ओरालो लागेको छ ।

बाढी पहिरोका कारण मुलुक प्रभावित भएपछि बजार पनि प्रभावित बन्न पुगेको छ । नेपाल स्टक एक्सचेन्जका अनुसार १६० कम्पनीको १६ लाख १५ हजार ७३८ कित्ता शेयर रु ७८ करोड ३६ लाख सात हजार ४०८ मा किनबेच भएको छ ।

बजार १२.९७ अंकले ओरालो लागेर एक हजार ६२९.१६ अंकमा आइपुगेको छ । आज होटल समूहबाहेक अरु सबै समूहको सूचक रातो भएका छन् ।

बैंकिङ समूहको सूचक १०.८६ अंकले ओर्लिएको छ भने विकास बैंक १३.७४, जलविद्युत् २४.४९, फाइनान्स ३.९६, बीमा समूहको सूचक ८८.७६, उत्पादनमूलक समूह २८.३४ र अन्य समूहको सूचक ५.७९ अंकले ओरालो लागेको नेपाल स्टकले जनाएको छ । होटल समूहको सूचक भने ३.२ अंकले बढेको छ ।

तपाईको प्रतिक्रिया