प्रधानमन्त्री ओलीले दिए ल्होसारको शुभकामना, हिजो साँझ मन्त्रिपरिषद्को पहिलो बैठकमा यस्तो भयो निर्णय, चिनले दियो बधाई

४ फागुन, काठमाडौं । प्रधानमन्त्री केपी शर्मा ओलीले शेर्पा जातिको प्रमुख चाड ग्याल्बो ल्होसारका अवसरमा स्वदेश तथा विदेशमा रहेका सम्पूर्ण शेर्पा समुदायमा शुभकामना व्यक्त गर्दै अबको सरकारको मूल प्राथमिकता सुखी नेपाली समृद्ध नेपाल भएको बताएका छन् । उनले गत मंसिरमा सम्पन्न प्रतिनिधिसभा तथा प्रदेशसभाको निर्वाचनपछि देशमा आधारभूत रुपमा राजनीतिक संक्रमणकाल सकिएको र निर्वाचनको परिणामअनुसार देशले नयाँ प्रधानमन्त्री पाएको उल्लेख गर्दै आज दिएको सन्देशमा भन्नुभएको छ, “अबको सरकारको मूल प्राथमिकता सुखी नेपाली समृद्ध नेपाल हो । थप पढ्नुहोस्

एमाले–माओवादी एकता बैठकः प्रधानमन्त्रीका लागि तत्काल दाबी गर्ने

२ फागुन, काठमाडौं । एकता प्रक्रिया खाकालाई निष्कर्षमा पु¥याउन बसेको नेकपा (एमाले) र नेकपा (माओवादी केन्द्र) पार्टी एकता संयोजन समितिको बैठकले नयाँ प्रधानमन्त्री चयनका लागि तत्काल राष्ट्रपतिसमक्ष दाबी प्रस्तुत गर्ने सहमति गरेको छ । एकता प्रक्रियाको ठोस खाकामा बुँदागत सहमति आउने अपेक्षा गरिएको सो बैठकले त्यसबारेमा बिहीबार निर्णय गर्ने समझदारी गरेको छ । थप पढ्नुहोस्

ओली–प्रचण्ड ‘वान टु वान’ भेटवार्ता, सरकार छोड्ने र सरकार बनाउने काम तिब्र

२९ माघ, काठमाडौं । नयाँ सरकार गठन र पार्टी एकता प्रक्रियालगायतका विषयमा नेकपा (एमाले) का अध्यक्ष केपी शर्मा ओली र नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ बीच भेटवार्ता भएको छ । ललितपुरस्थित एक निजी निवासमा भएको भेटवार्ताबारे विस्तृत जानकारी भने आइसकेको छैन । पार्टी एकता र सरकार गठनलाई सँगसँगै अघि बढाउन सहमत दुई दलबीच एकतामा नीति र नेतृत्वमा सहमति जुटाउन उनीहरु वार्तामा जुटेको अध्यक्ष ओलीका प्रेस संयोजक चेतन अधिकारीले जनकारी दिए । उनीहरुको भेटवार्तापछि चाँडै पार्टी एकता संयोजन समितिको बैठकको तयारी भएको छ । थप पढ्नुहोस्

एमालेबाट समानुपातिक निर्वाचन प्रणालीको प्रतिनिधिसभा सदस्य उम्मेदवार नाम छनोट, संसदीय दलको नेतामा गुरुङ

२८ माघ, काठमाडौं । नेकपा (एमाले)को स्थायी कमिटीको बैठकले समानुपातिक निर्वाचन प्रणालीअन्तर्गत प्रतिनिधिसभा सदस्यको उम्मेदवारको नाम छनोट गरेको छ । केपी शर्मा ओलीको अध्यक्षतामा आज बसेको बैठकले पार्टीले प्राप्त गरेको सिट संख्याअनुसार समावेशी समूह मिलाई ४१ जना प्रतिनिधिसभा सदस्यको उम्मेदवार छनोट गरेको गरी उक्त नामावली आजै निर्वाचन आयोगसमक्ष पेश गरिएको बैठकपछि पार्टीका सचिव प्रदीप ज्ञवालीले जारी गरेको विज्ञप्तिमा उल्लेख छ । थप पढ्नुहोस्

संसदीय दलको नेता बन्न पूर्वमा एमालेलाई र पश्चिममा माओवादीलाई सकस

२३ माघ, काठमाडौं । नेकपा (एमाले)को प्रदेश नं १को संसदीय दलको नेता चयनका लागि सहमति हुन नसकेपछि माघ २६ गते निर्वाचन हुने भएको छ । सो पार्टीबाट प्रदेश सांसदका रुपमा भोजपुरबाट निर्वाचित शेरधन राई, सुनसरीबाट निर्वाचित भीम आचार्य र मोरङबाट निर्वाचित जीवन घिमिरेले संसदीय दलको नेताका लागि दाबी गरेपछि निर्वाचन हुन लागेको हो । सो पार्टीको विधानअनुसार संसदीय दलका नेता नै मुख्यमन्त्री हुने प्रावधान छ । प्रदेश नं १मा ९३ सांसदमध्ये ५१ जना एमालेबाट निर्वाचित भएका छन् । यस प्रदेशमा १४ जिल्ला पर्छ । थप पढ्नुहोस्

ओलीको विशेष निम्तो मान्दै स्वराज काठमाडौंमा

१८ माघ, काठमाडौं । भारतका बाह्य मामिलामन्त्री सुष्मा स्वराजले आफू नेपाल कुनै विशेष कार्यसूची लिएर आएको नभई सबैसँंग भेटघाट गर्न मात्रै आएको बताएकी छिन् । अपराह्न त्रिभुवन अन्तरराष्ट्रिय विमानस्थलमा ओर्लिएपछि सञ्चारकर्मीसँग कुरा गर्र्दै उनले यसरी आउने जाने गर्दा दुई देशबीचको सम्बन्ध सुमधुर हुने बताउँदै भनिन्, “नेपाल र भारतबीचको सुमधुर सम्बन्धलाई मेरो भ्रमणले अझै मजबुत बनाउने छ ।” नेपाल भ्रमणका क्रममा उनले राष्ट्रपति, प्रधानमन्त्री, नेकपा(एमाले) अध्यक्ष, र राजपा नेता लगायत अन्य नेतासँग भेटवार्ता गर्ने कार्यक्रम छ । थप पढ्नुहोस्

एमाले र माओवादी बीच ७०–३० को भागबण्डा

१५ माघ, काठमाडौं । एमाले र माओवादी केन्द्रले प्रदेश मुख्यमन्त्री, सभामुख र उपसभामुख बाँडफाँड गरेका छन् । चार प्रदेशमा एमाले र दुई प्रदेशमा माओवादीले मुख्यमन्त्री लिने गरी दुई दलबीच सहमति भएको छ । वाम कार्यदलको आइतबारको बैठकले पार्टी एकता संयोजन समितिलाई सुझाब प्रस्तुत गर्ने गरी प्रदेश सरकार र प्रदेश संसद् नेतृत्वको बाँडफाँड टुंगो लगाएको हो । कार्यदलको सहमतिअनुसार एमालेले प्रदेश १, ३, ४ र ५ मा तथा माओवादी केन्द्रले ६ र ७ मा मुख्यमन्त्री पाउनेछ । थप पढ्नुहोस्

राष्ट्रियसभाका लागि एमाले र माओवादीले गरेनन् दल दर्ता

२५ पुस, काठमाडौं । निर्वाचन आयोगमा राष्ट्रियसभाको निर्वाचनका लागि अहिलेसम्म १० वटा राजनीतिक दलले दल दर्ता गरेका छन् । माघ २४ गते हुन लागेको निर्वाचनका लागि अहिलेसम्म १० वटा राजनीतिक दलले मात्र दल दर्ता गरेको आयोगका कानून तथा राजनीतिक दल सम्बन्ध महाशाखाका शाखा अधिकृत धर्मचन्द्र तिमिल्सेनाले जानकारी दिए । ठूला पार्टी नेकपा (एमाले) र नेकपा (माओवादी केन्द्र) सहित मधेशवादी दलले पनि अझै दल दर्ता गराएका छैनन् । थप पढ्नुहोस्

समानुपातिकको परिणाम सार्वजनिक गर्न आयुक्त यादवलाई दबाव, कार्यकक्षमा पुगे एमाले र माओवादी नेता

१७ पुस, काठमाडौं । वाम गठबन्धनले प्रतिनिधिसभा सदस्य निर्वाचनको समानुपातिकतर्फको परिणाम अविलम्ब सार्वजनिक गर्न निर्वाचन आयोगको ध्यानकर्षण गराएको छ । गठबन्धनमा आबद्ध नेकपा (एमाले) र नेकपा (माओवादी केन्द्र) का नेताहरुले प्रमुख निर्वाचन आयुक्त डा अयोधीप्रसाद यादव र आयुक्तसँग भेटी जनताले दिएको मतको सम्मान एवं संविधान तथा कानुनको मर्म र भावनाको कदरका लागि सो परिणाम सार्वजनिक गर्न माग गरे । थप पढ्नुहोस्

जनादेशअनुसार काँग्रेस प्रतिपक्षमा बस्छ : नेता सिंह

१७ पुस, काठमाडौं । नेपाली काँग्रेसका नेता प्रकाशमान सिंहले जनताको जनादेशअनुसार काँग्रेस प्रतिपक्षमा बस्ने बताएका छन् । काठमाडौँ सुनचाँदी व्यवसायी संघले आयोजना गरेको ‘प्रतिनिधि तथा प्रदेशसभामा निर्वाचित जनप्रतिनिधिलाई बधाई तथा सम्मान’ कार्यक्रममा उनले काँग्रेस प्रजातान्त्रिक पद्धतिमा विश्वास गर्ने पार्टी भएकाले जनादेशलाई स्वीकार गर्ने बताए । “प्रजातान्त्रिक पद्धतिअनुसारको भएको निर्वाचनको नतिजा स्वीकार्नुपर्छ,”– उनले भने । थप पढ्नुहोस्