अचानक हटाइए सातै प्रदेशका प्रदेश प्रमुखहरु

१७ कात्तिक,काठमाडौं । आज बिहान बालुवाटारमा बसेको मन्त्रिपरिषदको बैठकले गरेको सिफारिस बमोजिम राष्ट्रपति विधादेवी भण्डारीले सातै प्रदेशका प्रदेश प्रमुखहरुलाई हटाएकी छन् ।

बिगतमा सर्वदलीय सहमति बमोजिम कांग्रेस नेतृत्वको सरकारले नियुक्त गरेका प्रदेश प्रमुखहरुलाई बिरामी प्रधानमन्त्रीले अचानक किन हटाए भन्ने प्रश्न यतिबेला उठेको छ ।

राष्ट्रपति कार्यालयद्धारा आज जारी विज्ञप्तीमा नेपाल सरकार मन्त्रिपरिषदको कात्तिक १७ गतेको निर्णयबाट सिफारिस भई आएअनुसार नेपालको संविधानको धारा १६५ को उपधारा १ को खण्ड (ख) बमोजिम देहायका प्रदेश प्रमुखहरुलाई पदमुक्त गर्नुभएको छ भनिएको छ ।

हटाईएका प्रदेश प्रमुखहरुमा १ न. प्रदेश देखि ७ नम्बरमा क्रमश प्रा डा गोबिन्दबहादुर तुम्बाहाङ,रत्नेश्वर लाल कायस्थ, अनुराधा कोइराला,बाबुराम कुवँर, उमाकान्त झा, दुर्गाकेशर खनाल र मोहनराज मल्ल रहेका छन् ।