गृहसचिव राईले दिए राजीनामा

१७ माघ काठमाडौं । अनिवार्य अवकाश पाउनुभन्दा दुईदिन अघिदेखि लागू हुने गरी गृह मन्त्रालयका सचिव प्रेमकुमार राईले आज राजीनामा दिएका छन् । सेवा सुविधामा केही बृद्धि हुने लोभमा राईले अनिवार्य अवकाश पाउनुभन्दा केवल दुई दिन अघिबाट लागू हुने गरी राजीनामा दिएको गृह मन्त्रालय स्रोतले बताएको छ ।

प्रधानमन्त्री खड्गप्रसाद ओलीका प्रिय पात्रका रुपमा चिनिएका राई तत्कालै संवैधानिक नियुक्ति पाउने भाग्यमानीमा पर्ने हल्ला चलेको छ । सचिव राईले आजै मुख्य सचिव लोकदर्शन रेग्मीलाई सम्बाेधन गरी राजीनामा पत्र दर्ता गराएको स्रोतले बताएको छ ।