दुवै मिर्गौलाले काम नगरेपछि पूर्वमन्त्री शेर्माकाे निधन
नेपालबहस संवाददाता
फागुन २८, २०७६ बिहिबार २:५८:५७
२८ फगुन, काठमाडौं । नेपाली कांग्रेस पाँचथरका पूर्वपार्टी सभापति पूर्णकुमार शेर्मा (लिम्बू)काे निधन भएको छ । कांग्रेस पूर्व केन्द्रिय सदस्य तथा पूर्व स्थानीय विकास मन्त्रीसमेत रहेका शेर्माको आज निधन भएको हो ।
दुवै मिर्गौलाले काम गर्न छोडेपछि लामो समयदेखि थला परेका शेर्माको बुधबार दिउँसो काठमाडौंको निदान अस्पतालमा उपचारका क्रममा निधन भएको हो । ७६ वर्षीय शेर्माकाे लामो समयदेखि मिर्गौलाको उपचार चलिरहेको थियो ।
शेर्मा पाँचथर क्षेत्र नं १ बाट पूर्व सभासदसमेत नर्विचित भएका थिए । उनी २०६६ सालमा स्थानीय विकासमन्त्री भएका थिए । २००० साल असोज १२ मा पाँचथरको मिल्लाजुङ गाउँपालिका–२ सराङडाँडामा जन्मिएका शेर्मा दुई पटक कांग्रेस पाँचथरको सभापति भएका थिए ।
पाँच दशक अघि राजनीतिमा प्रवेश गरेका शेर्मा २०१८ सालमा प्रधानपञ्च, २०२१ सालमा पाँचथर जिल्ला पञ्चायत सदस्य, २०२२ सालमा पञ्चायत जिल्ला उपसभापति र २०२४ सालमा जिल्ला सभा सदस्य बनेका थिए ।
२०२५ सालमा नेपाली कांग्रेसको सदस्यता लिएका उनी त्यसपछि गाउँफर्क राष्ट्रिय अभियानको अञ्चल सदस्य पनि बनेका थिए । २०३६ सालको जनमत संग्रहमा उनी जिल्ला बहुदल प्रचारप्रसार समितिको अध्यक्ष बनेका थिए ।
राजनीतिक संघर्षका क्रममा पटक पटक पक्राउ र थुनामा परेका उनले २०४२ को सत्याग्रहमा सात महिना जेल जीवन बिताएका थिए । उनका दुई श्रीमती, दुई छोरा र पाँच छोरी छन्।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपके अमेरिकामा भन्या जस्तो कमाउन सजिलो छ ?
जेठ ७, २०८१ सोमबार
कोरियन नागरिकको सहयोगमा विद्यालयमा शौचालय
जेठ ७, २०८१ सोमबार
महिला उद्योगी व्यवसायी बढ्दै, १० महिनामा दुई करोड ६३ लाख राजस्व संकलन
जेठ ७, २०८१ सोमबार
वैदेशिक रोजगारीमा विभिन्न देश पठाइदिन्छु भन्दै ठगी गर्ने तीन जना पक्राउ
जेठ ७, २०८१ सोमबार
आम्दानीको स्रोत बन्दै बगरखेती
जेठ ७, २०८१ सोमबार