अब नेपाल टेलिकमको नम्बरमा कोरोनाबारे सचेतना सन्देश

६ चैत, काठमाडौं । नेपाल टेलिकमले कोरोना भाइरसको संक्रमणको सतर्कताका लागि रिंगब्याक टोनमा सचेतना सन्देश दिन सुरु गरेको छ ।

अब तपाईले कुनैपनि नम्बरबाट नेपाल टेकिलमको नम्बरमा फोन गर्दा कोरोनाको लक्षण र त्यसबाट कसरी सुरक्षित रहने भन्नेसहितको सन्देश दिन सुन्न सक्नुहुने छ ।

उक्त सन्देशमा भनिएको छ, पटक-पटक सावुनपानीले हात धुनुस र व्यक्तीहरुसँग समाजिक दूरी कायम राख्नुस भन्दै स्वास्थ्य सुरक्षाका जानकारीसहितको रिंगब्याक टोन राखेको हो । यदि तपाईले सम्पर्क गरेको व्यक्तिले फोन नउठ्दासम्म भाइरसको सचेतना सन्देश ब्याक टोन बजीरहने छ ।

यसरी विश्व्व्यापी रुपमा महामारीको रुप लिएको र आम नागरिक आतंकीत भैइरहेको बेला सचेतना सन्देश एकैपटक आम रुपमा फैलाउन सहयोग पुग्ने कम्पनीले बताएको छ ।