२४ चैत्र, काठमाडौं । कोरोना भाइरस संक्रमण र रोकथामका लागि नेपालमा १४ दिनदेखिको लकडाउन जारी छ । लकडाउनको समयमा सरकारले अत्यावश्यक काम र अप्ठ्यारो परेर बाहिर ननिस्की नहुनेका हकमा सवारी साधनका लागि पासको व्यवस्था गरेको छ ।

अत्यावश्यक कामबाहेक घरबाहिर नजान आह्वान गरेको छ । सरकारी आह्वान अटेरी गर्दै मानिसहरू घरबाहिर निस्कने क्रम भने रोकिएको छैन । नेपाल प्रहरीले लकडाउन उल्लंघन गर्नेलाई नियन्त्रणमा लिएर छाड्ने गरेको छ ।

गृहमन्त्रालयले कडाइका साथ लकडाउन पालना गराउन जिल्ला प्रशासन कार्यालयहरूलाई परिपत्र गरेको छ । सवारी पास लिँदै दुरुपयोग गर्नेक्रम बढेपछि अधिकांश जिल्ला प्रशासन कार्यालयले तत्काललाई पास वितरणमा रोक लगाएका छन् ।

यसैबीच, सरकारले कोरोना भाइरस रोकथाम र नियन्त्रणका लागि लकडाउनको अवधि थप लम्ब्याएको छ । सोमबार बसेको मन्त्रिपरिषद बैठकले आगामी वैशाख तीन गतेसम्मलाई लकडाउन लम्ब्याउने निर्णय गरेको हो ।

दोस्रो पटक थपिएको लकडाउनको समयअवधि मंगलबार मध्यरातसम्म थियो । चैत्र ११ गते यता लकडाउनलाई सरकारले किस्ताबन्दीमा निरन्तरता दिँदै आएको छ ।

यो पनि हेर्नुस:

आज लकडाउनकाे १२ औं दिन [ हेर्नुस २१ तस्विर ]

लकडाउनकाे छैटौ दिन [ हेर्नुस १९ तस्विर ]