प्रभु इन्स्योरेन्सले प्युठान अस्पताललाई दियो ५० थान पीपीई

२८ चैत्र, काठमाडौं । प्रभु लाइफ इन्स्योरेन्स लिमिटेडले नोभल कोरोना रोग रोकथाम तथा नियन्त्रणका लागि सहयोग पुर्याउने उद्देश्यले संस्थागत सामाजिक उत्तरदायित्व अन्तर्गत प्यूठान जिल्लास्थित अस्पतालहरुमा वितरण गर्नका लागि ५० थान पीपीई उपलब्ध गराएको छ ।

कम्पनीले आज उक्त स्वास्थ्य सम्बन्धी सामाग्रीहरु प्यूठान जिल्ला, प्यूठान नगरपालिका प्रमुख अर्जुनकुमार कक्षपतिमार्फत् उपलब्ध गराएको प्रमुख कार्यकारी अधिकृत नारायण पौडेलले जानकारी दिएका छन् ।

उक्त अवसरमा प्यूठान नगरपालिका प्रमुखले प्रभु लाइफ इन्स्योरेन्सप्रति हार्दिक धन्यवाद तथा आभार प्रकट गरेको कम्पनीले जनाएको छ ।