कोरोना उपचार कोषमा रिलायवल लाइफ ईन्स्योरेन्सको ७ लाख ५० हजार सहयोग

१० बैशाख, काठमाडौं । रिलायबल नेपाल लाइफ इन्स्योरेन्स लिमिटेडले आफ्नो संस्थागत सामाजिक उत्तरदायित्व अन्तर्गत हाल विश्वव्यापी महामारीको रुपमा फैलिएको कोरोना भाईरस (कोभिड १९) विरुद्धको लडाईमा नेपाल सरकारको घोषणा बमोजिम स्थापना गरेको कोरोना भाइरस नियन्त्रण तथा उपचार कोषमा सात लाख पचास हजार प्रदान गरेको छ ।

यस भाईरसबाट विश्व समुदाय नै त्रसित बनिरहेको अवस्थामा हामी पनि उच्च जोखिममा रहेको विषम परिस्थितिमा यस योगदानबाट कोरोना भाइरस बिरुद्ध लड्नको लागि थप हौसला प्राप्त हुने विश्वास कम्पनीका प्रमुख कार्यकारी अधिकृत नारायणबाबु लोहनीले जनाएका छन् ।