राहत वितरणमा राजनीतिकरणः सचेतक निर्मला क्षेत्री
नेपालबहस संवाददाता
बैशाख २३, २०७७ मंगलबार १८:४३:४७
२३ बैशाख, बुटवल । पछिल्ला दिन कोरोना भाइरसको हटस्पट बनेपछि नेपालगञ्जबासी यतिबेला त्रसित छन् । एउटा टोल नै संक्रमणको चपेटामा आएपछि नेपालगञ्जबासीमा भय बढ्नु स्वभाविक हो । त्यो भन्दापनि ठूलो डर चाहिं अस्पतालमा परीक्षण गर्ने ल्याब नै बन्द गर्नुपर्ने अवस्था आएको छ । सरकारले पर्याप्त कीट नदिएकाले कन्ट्याक्ट ट्रेसिङ गरेकाहरुको नमूना परीक्षण गर्न पाइएको छैन ।
यसको मुख्य जिम्मेवारी बोकेको प्रदेश सरकार भने बेफिक्र छ । प्रदेश नं.५ अन्तर्गत पर्ने नेपालगञ्ज र मर्चेवार क्षेत्रमा संक्रमित फेला परेका छन् । पर्याप्त कीट नहुँदा सबैको स्वास्थ्य जोखिममा परेको छ । प्रदेश ५ का मुख्यमन्त्री शंकर पोखरेल सत्ता राजनीतिमा केन्द्रित छन् । आफ्ना गडफादर केपी ओलीको संकटमोचन गर्न उनी लामो समय राजधानी काठमाडौंमै अलमलिए ।
त्यसैले प्रदेश सरकारको ध्यान कोरोना संक्रमण नियन्त्रणमा थोरै मात्र देखिएको छ – प्रदेश ५, नेपाली कांग्रेस संसदीय दल की सचेतक निर्मला क्षेत्री भन्छिन् । अहिले त कोरोनाको केन्द्र विन्दू नै हाम्रो प्रदेश भएको छ, तर सरकारको ध्यान अन्यत्रै छ – सचेतक क्षेत्री रोष प्रकट गर्छिन् । नेपालगञ्जमा एकैदिन १६ जना संक्रमित फेला परे भन्दै तर संभावित संक्रमितको स्वास्थ्य परीक्षण गर्न पर्याप्त कीट नै छैन – उनले गुनासो गरिन् ।
प्रदेश नं. ५ मा तीनवटा ठूला नाका छन्, जहाँबाट सजिलै भारत आउजाउ हुने गरेको छ भन्दै उनले ती नाकाबाट बिना परीक्षण अहिले पनि निर्वाध रुपमा तरकारी र फलफुल आयात भइरहेको जानकारी दिइन् । यसबारे प्रदेश सरकारको सम्बद्ध निकायमा कुरा गर्दा केन्द्र सरकारले नै भारतसँगको सम्बन्ध नबिगार्न यस्तो आदेश आएको जानकारी पाएको बताइन् । आन्तरिक मामिला मन्त्रालयका पदाधिकारीसँग यसबारे हामीले कुरा गर्दा प्रधानमन्त्रीकै तहबाट तरकारी र फलफल ल्याउन नरोक्नू भन्ने आदेश रहेको बताइयो– सचेतक क्षेत्रीले नेपालबहस डटकमसँग कुराकानी गर्दै बताइन् ।
यसबाट कोरोना संक्रमणको जोखिम अझै थपिएको भन्दै उनले जनस्वास्थ्यसँग गरिएको यो खेलबाडले प्रदेश ५ आक्रान्त रहेको बताइन् । यस्तो गम्भिर विषयमा मुख्यमन्त्री सिरियस नभएकोप्रति रोष प्रकट गर्दै उनले भनिन्– जनताको कष्ट भन्दा सत्ता जोगाउन नै उहाँहरु सक्रिय हुनुहुन्छ । प्रदेश नं. ५ मा धेरै भित्री बाटाहरु रहेको स्पष्ट गर्दै सचेतक क्षेत्रीले भनिन्– त्यहाँबाट निर्वाध मानिस आवतजावत गरिरहेका छन्, तर प्रदेश सरकार मौन छ । साथै, कोरोनाविरुद्ध प्रत्यक्ष युद्ध गर्ने चिकित्सकहरुका लागि पर्याप्त पीपीई नभएको गुनासो रहेको पनि उनले बताइन् ।
सरकारले वितरण गर्ने राहतमा चरम राजनीतिकरण भएको जानकारी दिंदै सचेतक क्षेत्रीले वास्तविक पीडित भने राहत पाउनबाट बञ्चित रहेको खुलासा गरिन् । राहत वितरणका नाममा पक्षपात मात्र हैन, भ्रष्टाचार समेत भएको आशंका गर्दै उनले यसको तत्कालै छानविन गर्न माग गरेकी छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपछोटो अवधिमा सरकार परिवर्तन भइरहने कुरा नेपालका लागि महारोग नै भयो: धनराज गुरुङ
बैशाख २१, २०८१ शुक्रबार
सम्पदा संरक्षणमा उदाहरणीय नगर प्रहरी
पुष २९, २०८० आइतबार
संविधान संशोधनतिर भन्दा यसको प्रभावकारी कार्यान्वयनमा लाग्नुपर्छ : सभामुख घिमिरे
असोज १, २०८० सोमबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
तपाईको आजको राशीफल कस्तो छ ?
जेठ ६, २०८१ आइतबार
हावाहुरीले उदयपुरमा करोडौँको क्षति
जेठ ६, २०८१ आइतबार
ट्राफिक प्रहरी जवानको हत्या आरोपमा ६ जना पक्राउ
जेठ ६, २०८१ आइतबार
७५ प्रतिशत नागरिक उच्च गुणस्तरको खानेपानीको पहुँच बाहिर
जेठ ६, २०८१ आइतबार
बर्दियामा मृतावस्थामा पाटेबाघ फेला पर्यो
जेठ ६, २०८१ आइतबार
बर्दियामा मृतावस्थामा पाटेबाघ फेला प¥यो
जेठ ६, २०८१ आइतबार
कञ्चनपुरको न्यायिक समितिमा इजलास र जनशक्ति अभाव
जेठ ६, २०८१ आइतबार
बिआरआई कार्यान्वयन योजना अन्तिम चरणमा
जेठ ६, २०८१ आइतबार
संसदीय छानबिन समिति गठन नभएसम्म संसद् बैठकमा अवरोध जारी रहन्छ : कांग्रेस
जेठ ६, २०८१ आइतबार