मृतक महिलाको परिवार कोरोनामुक्त

५ जेठ, काठमाडौं । कोरोनाभाइरस संक्रमणबाट नेपालमा पहिलो मृत्युवरण गर्ने सिन्धुपाल्चोककी महिला सावित्री तिमिल्सिनाको परिवारमा भने कोभिड–१९ को नेगेटिभ रिर्पाेट आएको छ ।

गत शनिवार मृत्य भएभएको २९ बर्षीया ती महिलाको १३ दिनको शिशुसमेत श्रीमान्, सासु र नन्दको स्वाब परीक्षण गरिएको थियो । सबैको रिपोर्ट नेगेटिभ आएको धुलिखेल अस्पताल स्रोतले बताएको छ ।

हाल उनीहरु सोही अस्पतालको आइसोलेसन कक्षमा रहेका छन् । शिशुलाई समेत अस्पतालमै ल्याक्टोजिन ख्वाएर राखिएको छ ।