मेयर गिरीको ग्रान्डी अस्पतालमा उपचार हुँदै

६ जेठ, काठमाडौं । चापाकोट नगरपालिका स्याङ्जाका मेयर शिवकुमार गिरीको स्वास्थ्यमा गम्भिर समस्या देखिएपछि थप उपचारका लागि हेलिकप्टरमार्फत काठमाडौं ल्याइएको छ । अहिले उनकाे स्वास्थ्य अवस्था सामान्य बन्दै गएको छ ।

उनको अहिले ग्रान्डी अस्पतालमा उपचार भइरहेको उनी निकट स्रोतले नेपालबहस डटकमलाई बतायो । स्राेतका अनुसार प्रारम्भिक रिपोर्टहरु सामान्य आइसकेको छ । अहिले अस्पतालको आईसीयु कक्षमा उनको उपचार भइरहेको छ । आईसीयुमा रहेपनि उनको होस भने आइसकेको छ । अहिले उनको अवस्था खतरामुक्त रहेको छ ।