‘सहजतामा हाइहाइ, असहजतामा बाइबाइ’
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
असार ७, २०७७ आइतबार २०:८:२८
![](https://nepalbahas.prixacdn.net/media/albums/padal_wVdbN9hhb0.jpg)
७ असार, बनेपा । चितवनका सञ्चारकर्मी अनिल ढकाल बन्दाबन्दीको शुरु–शुरुमा ‘हिँडेरै घर फर्कनेहरुको पीडा’ रिपोर्टिङ सम्झिरहेका हुन्छन् । उनले भने, “रिपोर्टिङ गरेर समाचार लेखुञ्जेल खुशी भएँ, जब बेलुका फर्केर घरको ढोकामै पुगेँ, दुई वर्षको छोराले बाबा ! भनेर लिन आएपछि होस् नै उड्यो ।” उनले त्यसबेलाको अवस्था सम्झँदै भने, “कतै मैले कोरोना त बोकेर आएको छैन ? आफूले आफैँलाई प्रश्न गरेँ र छोरालाई काखमा लिनै सकिनँ ।” भीडमा गएर पत्रकारिता गर्दा कस्तो मान्छेलाई भेँटे होला भनेर अहिले पनि मन पोलिरहने उनको भनाइ छ ।
पत्रकारिता पेशाका कारण घरपरिवारसँग खुशीले बस्न सक्ने अवस्था छैन । उनले भने, “यस्तो बेला मन साह्रै पोल्दोरहेछ ।” यसरी काम गरिरहँदा कोरोना परीक्षण गरेर ढुक्क हुने अवस्था सिर्जना गर्न स्थानीय सरकारसँग माग गर्दा आरडिटी गर्नसमेत सहयोग नगरेको उनले गुनासो राखे ।
प्रेस काउन्सिल नेपालको आयोजना, नेपाल पत्रकार महासङ्घ वाग्मती प्रदेशको समन्वय र काभ्रेपलाञ्चोक जिल्ला शाखाको संयोजनमा धुलिखेलमा आयोजित ‘सञ्चार क्षेत्रमा कोरोना महामारीको असर र पत्रकार आचारसंहिता’ विषयक प्रदेशस्तरीय शनिबार सम्पन्न दुईदिने कार्याशाला गोष्ठीमा उनले कोभिड–१९ ले आम सञ्चार क्षेत्र र सञ्चारकर्मीलाई पारेको असरमा आफ्नो भोगाइ र समस्या राखे । उनले अहिले कसैले सहयोग नगरेको सुनाए ।
“विगतमा समाचार लेखेर सहयोग पुगेको व्यवसाय, व्यक्ति, संस्था र स्थानीय सरकारका नेतृत्व गर्नेहरु यस्तो बेलामा पत्रकारलाई सहयोग गर्न आग्रह गर्दा पनि वास्ता गर्दैनन् । ” उनले भने । महासङ्घ धादिङ शाखाका अध्यक्ष नवराज छत्कुलीले सञ्चारकर्मी लागि ‘सहजतामा हाइहाइ, असहजतामा बाइबाइ’को अवस्था रहेको छ भने । स्थानीय सरकार, सङ्घसंस्था र सहयोगी निकाय सबैसँग आग्रह गरे पनि सहयोग नपाएपछि जोखिमका समयमा सञ्चारकर्मीलाई रु दुई लाखको दुर्घटना बीमा र रु एक लाखको कोरोना बीमा गरेर दुःखमा मल्हम लगाउने काम गरेको उनले बताए । मकवानपुरका सञ्चारकर्मी रिपेश दाहालले महामारीमा सञ्चारकर्मीले आर्थिक अभाव झेल्नु परिरहेको दुःखेसो व्यक्त गरे ।
महासङ्घका सिन्धुली जिल्ला अध्यक्ष राजन कार्कीले समाचार सङ्कलनका लागि खटिने सञ्चारकर्मीका लागि स्वास्थ्य सुरक्षा सामग्री ‘स्यानिटाइजर, ग्लोब्स र मास्क’समेत पाउन नसकेको र यसका लागि महासङ्घ प्रदेश र सङ्घीय समितिले सहयोगको लागि पहल नगरेको गुनासो गरे । महासङ्घ काभ्रे शाखा सचिव नगेन्द्र अधिकारीले जोखिमको अवस्थामा काम गर्ने सञ्चारकर्मीलाई उनीहरुले गरेको सूचना समाचार सम्प्रेषणका आधारमा महासङ्घ, स्थानीय सरकार र राज्यले आवश्यक सहयोग गर्नुपर्ने बताए।
महासङ्घ दोलखा शाखाका अध्यक्ष जीवन लामा, नुवाकोट अध्यक्ष विष्णु तारुके, सिन्धुपाल्चोक अध्यक्ष महेश श्रेष्ठलगायतले जिल्लाका सञ्चारकर्मीले कार्यक्षेत्रमा निरन्तर खटिरहेका सञ्चारकर्मीको कोरोना परीक्षण गर्न स्थानीय सरकारसँग आग्रह गर्दा पनि आरडिटी र पिसीआरको सुविधासमेत नपाएको बताए । यसका लागि महासङ्घ प्रदेश र सङ्घीय समिति तथा प्रेस काउन्सिल नेपालले आवश्यक पहल गरिदिन उनीहरुले आग्रह गरे ।
प्रेस काउन्सिल नेपालका सदस्य ईश्वरी ओझाले संस्थागतरूपमा अग्रपङ्क्तिमा रहेर काम गर्ने सञ्चारकर्मीको बीमा, स्वास्थ्य परीक्षणलगायत पाँच बुँदे मागपत्र सरकारलाई पेश गरेको बताए । महासङ्घका अध्यक्ष गोविन्द आचार्यले पत्रकारको समस्याको सम्बोधनका लागि संस्थागतरूपमा लागिपरेको बताए । तत्काल भएको समस्यालाई सम्बोधन गर्न नसके पनि त्यसले पार्ने प्रभावका लागि सकेको सहयोग गर्न सबैसँग समन्वय गरेर अगाडि बढिरहेको उनले जानकारी दिए ।
धुलिखेल नगरपालिकाका प्रमुख अशोक ब्याञ्जुले नगरपालिका सङ्घको तर्फबाट संस्थागत रूपमा छलफल गरी सञ्चारकर्मीको हितमा काम गर्न सकिने बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपफोटोमा हेर्नुस् कागले आफ्नो बच्चालाई गरेको स्याहार
असार १३, २०८१ बिहिबार
नेपालगञ्जमा महिला क्याम्पसमा अध्ययन गर्नको आकर्षण बढ्यो
असार १२, २०८१ बुधबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
नेपालबहस संवाददाता
असार १२, २०८१ बुधबार
यी राशीमा ३ दिनपछि आर्थिक संकटको छायाँ पर्न सक्छ !
नेपालबहस संवाददाता
असार १२, २०८१ बुधबार
बसमा सवार यात्रुको मृत्यु, चालक र सहचालक पक्राउ
नेपालबहस संवाददाता
असार १३, २०८१ बिहिबार
गृहमन्त्री लामिछानेको सचिवालयमा दाम जम्मा गर्न नसक्दा रोकिएको श्रेष्ठ र आचार्यको बढुवा !
असार १४, २०८१ शुक्रबार
एसइईमा फेल भएका सबैले मौका परीक्षा दिन पाउने
असार १४, २०८१ शुक्रबार
तपाईको आजको राशीफल कस्तो छ ?
असार १५, २०८१ शनिबार
मनसुनी वायुको प्रभाव : देशका विभिन्न ठाउँमा वर्षा, यी स्थानमा ठूलो पानी पर्ने
असार १५, २०८१ शनिबार
टी-२० विश्वकपको फाइनल आज, भारत र दक्षिण अफ्रिका भिड्दै
असार १५, २०८१ शनिबार
कृषि क्षेत्रमा जनशक्तिको अभाव हुनु दुःखद : राष्ट्रपति
असार १५, २०८१ शनिबार
आज असार १५ : राष्ट्रिय धान दिवस तथा दही चिउराको सांस्कृतिक पर्व मनाइँदै
असार १५, २०८१ शनिबार
वर्षाको उच्च जोखिम रहेकाले सावधानी अपनाउन आग्रह
असार १४, २०८१ शुक्रबार