कर्णालीमा थप ४७ जनालाई कोरोना संक्रमण पुष्टि

सुर्खेत । कर्णाली प्रदेशका थप ७ जनालाई कोरोना संक्रमण देखिएको छ । सुर्खेतस्थित कर्णाली प्रदेश अस्पताल, पशुपन्छी रोग अन्वेषण प्रयोगशाला र रुकुम पश्चिमको चौरजहारी नगरपालिकाको प्रयोगशालामा भएको परीक्षणबाट सोमबार थप ४७ जनामा कोरोना संक्रमण पुष्टि भएको हो ।

संक्रमिमतमध्ये ४१ जना सुर्खेतका हुन् भने रुकुम पश्चिम र दैलेखका दुई दुईजना र जाजरकोट र बाँकेका एक एकजना रहेका छन् ।

सुर्खेतको वीरेन्द्रनगर नगरपालिकामा मात्रै ४ महिलासहित २० जना, सिम्ता गाउँपालिकाका ६ महिलासहित २१ जना रहेका छन् । यससँगै कर्णालीमा कोरोना संक्रमितको संख्या १ हजार ६ सय ६३ जना पुगेको छ ।

यस्तै सोमबार मात्रै कर्णालीका ४७ जना डिस्चार्ज भएका छन् । अहिलेसम्म ४ सय ५५ जना संक्रमित निको भएर घर फर्किएका छन ।