कम्पनी विश्लेषण : मञ्जुश्री फाइनान्सको आकर्षक नाफा भित्रको वास्तविकता
आर्थिक संवाददाता
साउन ११, २०७७ आइतबार २०:४१:२८
११ साउन, काठमाडौं । मञ्जुश्री फाइनान्सले आर्थिक वर्ष ०७६/७७ को चौथो त्रैमासमा आकर्षक मुनाफा आर्जन गरेको वित्तीय विवरण सार्वजनिक गरेको छ । खुद मुनाफामा २८४ प्रतिशतको वृद्धि गरेको फाईनान्सले बजारमा निकै चर्चा पाएको छ। वित्तीय विवरणलाई राम्रोसँग अध्ययन गर्दा कम्पनीले कमाएको खुद मुनाफाको ठूलो हिस्सा कम्पनीले गरेको गैर संचालन मुनाफा रहेको छ । कम्पनीले कुनै सम्पत्ति बिक्री गरेर र सो मुनाफा देखाउन सफल भएको छ । चौथो त्रैमासमा २८ करोड खुद मुनाफा कमाएको फाइनान्सको गैर संचालन आम्दानी मात्र २० करोड माथि रहेको छ ।
वि.स. २०६४ सालमा स्थापना भएको मञ्जुश्री फाइनान्सको संचालक समितिको अध्यक्षमा दामोदरप्रसाद गौतम रहेका छन् । त्यस्तै संचालक समितिको सदस्यमा चिन्तामणि गौतम, दिलामान सिंह चन्द र इन्दिरा पण्डित घिमिरे रहेका छन् । त्यस्तै बैंकको उच्च व्यवस्थापनमा सन्तोष निरौला प्रमुख कार्यकारी अधिकृतका रुपमा कार्यरत छन् भने नारायण सुवेदी नायव प्रमुख कार्यकारी अधिकृतका रुपमा कार्यरत छन् ।
कम्पनीको आर्थिक वर्ष ०७६/७७ को चौथो त्रैमास र आर्थिक वर्ष ०७५/७६ को चौथो त्रैमासलाई दाँजेर हेर्दा :
खुद व्याज आम्दानीमा सामान्य वृद्धि :
मञ्जुश्री फाइनान्सको प्रमुख आम्दानीको श्रोतमा रहेको खुद व्याज आम्दानी ६ प्रतिशतले मात्र वृद्धि भएको छ । आर्थिक वर्ष ०७६/७७ को चौथो त्रैमासमा ३८ करोड ५ लाख खुद व्याज आम्दानी गरेकोमा आर्थिक वर्ष ०७५/७६ को चौथो त्रैमासमा कम्पनीले ३५ करोड ८७ लाख खुद व्याज आम्दानी गरेको थियो ।
कर्मचारी खर्च निकै बढ्यो !
प्रमुख आम्दानीको श्रोत ६ प्रतिशतले मात्र वृद्धि भए पनि कर्मचारी खर्च भने ६२ प्रतिशतले वृद्धि भएको छ। १ वर्षको अवधिमा कर्मचारी खर्च ८ करोड २१ लाखबाट वृद्धि भएर १३ करोड ३१ लाख पुगेको छ ।
संचालन मुनाफा ९० प्रतिशतले वृद्धि :
संचालन मुनफा भने करिब ९० प्रतिशतले वृद्धि भएर १९ करोड ७१ लाख पुगेको छ । आर्थिक वर्ष ०७५/७६मा जोखिम बापत १३ करोड ५० लाख व्यस्थापन गर्नु परेकोमा यो वर्ष भने सो शिर्षकमा १ करोड २ लाख मात्र व्यवस्थापन गर्नु परेको छ ।
गैर संचालन मुनाफा २० करोड माथि :
फाइनान्सको गैर संचालन मुनाफा २० करोड ४२ लाख रहेको छ । यसरी २० करोड माथिको फाईनान्सले आफ्नो नामको कुनै सम्पत्ति बेचेर मुनाफामा आकर्षक वृद्धि देखाउन सफल भएको हाे ।
खुद मुनाफा २८४ प्रतिशतले वृद्धि :
गैर संचालन मुनाफा २० करोड माथि भए संगै कम्पनीको खुद मुनाफा २८४ प्रतिशतले वृद्धि भएको छ । आर्थिक वर्ष ०७५/७६ को चौथो त्रैमासमा ७ करोड ३१ लाख खुद मुनाफा गरेकोमा आर्थिक वर्ष ०७६/७७ को चौथो त्रैमाससम्म २८ करोड ९ लाख खुद मुनाफा गरेको छ ।
प्रतिशेयर आम्दानी ३४ रुपैयाँ :
कम्पनीको प्रतिशेयर आम्दानी ३४ रुपैयाँ ३४ पैसा रहेको छ । खुद मुनाफामा आकर्षक वृद्धि भए संगै कम्पनीको प्रतिशेयर आम्दानी पनि आकर्षक वृद्धि भएको छ ।
नोट : श्रावण ८ गतेको बजार मूल्य
मूल्य आम्दानी अनुपात ८ गुणा :
कम्पनीको अन्तिम बजार मूल्यको आधारमा कम्पनीको मूल्य आम्दानी ८ दशमलव ५९ गुणा रहेको छ।
खराब कर्जा ३ प्रतिशत माथि :
फाइनान्सको खराब कर्जा भने अलिक धेरै रहेको छ। खराब कर्जा ३ दशमलव ३६ प्रतिशत रहेको छ।
आधार व्याज दर घट्यो
आधार व्याजदर घट्दै १० दशमवल ६७ प्रतिशत पुगेको छ। आर्थिक वर्ष ०७५/७६मा आधार व्याजदर ११ दशमलव ३४ प्रतिशत थियो ।
वितरण योग्य मुनाफा ११ करोड ९४ लाख :
कम्पनीको वितरण योग्य मुनाफा ११ करोड ९४ लाख रहेको छ। यो वितरण योग्य मुनाफाको आधारमा कम्पनीको लाभांश दिन क्षमता १४ प्रतिशतको हाराहारीमा हुन्छ ।
२० करोड माथि गैर संचालन मुनाफा नभएको भए के हुन्थ्यो ?
कम्पनीले यदि २० करोडको गैरसंचालन मुनाफा नगरेको भए कम्पनीको कर अघिकाे मुनाफा १९ करोड माथि मात्र हुन्थ्यो र ३० प्रतिशत रकम करलाई राख्दा कम्पनीको मुनाफा जम्मा १३ करोड माथि देखिन्थ्यो ।
एनएफआरएस प्रणाली अनुसार कम्पनीले मुनाफाबाट १० करोड २४ लाख रुपैयाँ रेगुलटरी रिजर्भमा व्यवास्थापन गर्नु परेको छ । यदी कम्पनीले गैर संचालन मुनाफा नगरेको भए कम्पनीको वितरण योग्य मुनाफा जम्मा ३ करोडको हाराहारीमा हुने सम्भावना थियो । जसबाट लगानीकर्ताले निकै थोरै लाभांश पाउँथे ।
निस्कर्ष : कम्पनीको अहिले प्रतिशेयर आम्दानी निकै धेरै रहेको छ । लगानीकर्ताहरु आकर्षक प्रतिशेयर आम्दानी र कम मूल्य आम्दानी देखिएकोले यो शेयरमा धेरै आकर्षित भएको देखिन्छन् । लगानीकर्ताहरुले कम्पनीले गरेको आम्दानी कहाँबाट आएको हो भन्ने कुरा ध्यान दिनुपर्छ । कम्पनीले सधै गरिरहने व्यापारमार्फतबाट आएको आम्दानी टिकाउ हुन्छ भने कुनै सम्पत्ति बेचेर आएको आम्दानीले अर्को वर्ष सो तुलनामा आम्दानी वृद्धि नहुन पनि सक्छ ।
अहिलेको वितरणयोग्य मुनाफालाई अधार मान्दा कम्पनीले १४ प्रतिशतको हाराहारीमा लाभांश दिन सक्छ।
प्रतिवाद: उपलब्ध तथ्यांकले गरिएको विश्लेषणमा निर्णय लिनु अघि थप अनुसन्धान गर्नु होला।
आर्थिक संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपतेस्रो त्रैमाससम्म आइपुग्दा मेरो माइक्रोफाइनान्सको खुद नाफा बढ्यो
बैशाख २०, २०८१ बिहिबार
गोर्खाज फाइनान्सको साधारणसभा २ चैतमा, मुख्य एजेण्डा के हो ?
फागुन २८, २०८० सोमबार
गोर्खाज फाइनान्सको चैत २ गते बस्दैछ साधारणसभा
फागुन २२, २०८० मंगलबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
तपाईको आजको राशीफल कस्तो छ ?
जेठ १८, २०८१ शुक्रबार
समयमै क्यासिनो नवीकरणको आवेदन नदिए इजाजतपत्र खारेज हुने
जेठ १८, २०८१ शुक्रबार
स्वास्थ्य क्षेत्रको समस्या समाधान गर्न मन्त्री यादवद्वारा समिति गठन
जेठ १८, २०८१ शुक्रबार
वाग्मती प्रदेशको नीति तथा कार्यक्रम स्वीकृत
जेठ १८, २०८१ शुक्रबार
अत्यधिक गर्मीले बर्दियाका विद्यालय थप ६ दिन बन्द
जेठ १८, २०८१ शुक्रबार
दुबईबाट फर्केर तरकारीखेती
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार