कांग्रेस केन्द्रीय कार्यसमिति बैठक भोलि, भातृसंस्थाका पदाधिकारी रुष्ट
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
कात्तिक २७, २०७७ बिहिबार २०:२५:२०
![](https://nepalbahas.prixacdn.net/media/albums/congress-padadikari_eYEoTHdADm.jpg)
२७ कार्तिक, काठमाडौं । प्रमुख प्रतिपक्षी दल नेपाली कांग्रेस भित्र चर्किएको विवाद हल गर्न भातृ तथा शुभेच्छुक संस्थालाई बलीको बोको बनाइएको छ । २५ गते मंगलबार बसेको पदाधिकारी बैठकले अधिवेशन नगरी अस्तित्वमा रहेका भातृ तथा शुभेच्छुक संस्थालाई महाधिवेशनमा प्रतिनिधित्व नगराउने विषयमा संस्थापन पक्षले मञ्जुरी जनाएकाले सहमति जुटेको हो ।
सहमति जुटेको छ, तर भातृ संस्था र शुभेच्छुक संस्थाका पदाधिकारी भने रुष्ट छन् । कांग्रेसका कुल १३ वटा भातृ संस्थामध्ये ११ वटामा देउवा निकटको पकड रहेको छ । बाँकी दुुईवटामा भने रामचन्द्र पौडेल पक्षले पाएको अवस्था छ । देउवा निकट धेरै भातृ तथा शुभेच्छुक संस्था यो निर्णयबाट रुष्ट छन् । आफैं अवैधानिक भएको केन्द्रीय कार्यसमितिले यस्तो निर्णय अनुमोदन गर्न नसक्ने तर्क गर्न थालिएको छ ।
केन्द्रीय कार्यसमिति नै तदर्थ बनेको बेला अरुलाई महाधिवेशनमा प्रतिनिधित्व गर्न नदिने भन्ने कुरा गलत मात्र होइन अनैतिक पनि हो– एक भातृ संस्थाका अध्यक्षले आक्रोश पोखेका छन् । कांग्रेसमा १३ भातृ र १८ वटा शुभेच्छुक संस्था क्रियाशील छन् । ती मध्ये भातृसंस्था सबै र १२ वटा शुभेच्छुक संस्थाले महाधिवेशनमा प्रतिनिधित्व गर्न पाउने व्यवस्था विधानले गरेको छ ।
नेपाल विद्यार्थी संघ, तरुण दल, नेपाल प्रेस युनियन, किसान संघ, दलित संघ, प्रजातान्त्रिक सेनानी संघलगायत सबैले लामो समयदेखि अधिवेशन नगरी देउवा निकट नेताहरुले ओगटेका छन् । किसान संघ, जनजाती संघ र प्रजातान्त्रिक सेनानी संघले त विगत १७ वर्षदेखि अधिवेशन नगराई ओगटेका छन् ।
यस्तै कांग्रेस केन्द्रीय सदस्यसमेत रहेका मीन विश्वकर्मा ८ वर्षदेखि दलित संघको सभापति बनिरहेको अवस्था छ । यस्ता संस्थालाई प्रतिनिधित्व नगराउनु ठीकै होला तर कोरोना लगायत परिस्थितिजन्य हिसावले अधिवेशन गर्न नपाएका संस्थालाई समेत एउटै डालोमा राखेर निर्णय गर्न खोज्नु चाहिं गलत भएको ती नेताको दुखेसो छ ।
नेपाल विद्यार्थी संघले पनि तीन वर्षदेखि अधिवेशन नगराएको भन्दै नैनसिंह महरको कमिटी भंग गरी राजीव ढुंगानालाई उक्त जिम्मेवारी दिइएको छ । उनको कमिटीले अधिवेशन गर्ने तयारी गरिरहेकै बेला कोरोना महामारी सुरु भयो । जसले गर्दा उनको कमिटी पनि नेताहरुको सहमतिको मारमा पर्ने भएको छ । यस्तै एक वर्षअघि म्याद सकिएको तरुण दलको अवस्थासमेत उस्तैछ । अध्यक्ष जीतजंग बस्नेत र महामन्त्री भूपेन्द्रजंग शाहीबीचको विवादले अधिवेशन नै हुन सकेन ।
यी सबै भातृसंस्थाको सिफारिशमा पाँच जनाका दरले महाधिवेशनमा प्रतिनिधित्व गर्न पाइने व्यवस्थाले धेरै नेता आफूलाई सुरक्षित ठान्थे । तर उनीहरु अब बुथ कमिटीबाटै आउनु पर्ने अवस्था निर्माण भएपछि कतिपयको पीडा बेपत्ता देखिएको छ । खासगरी नेताहरुको नजिक रहेर पद हत्याउनेहरु यसबाट प्रताडित हुने भएका छन् । नेताहरुबीच सहमति जुटेकाले त्यसलाई अनुमोदन गर्न भोलि पार्टी केन्द्रीय कार्यालयमा कार्यसमिति बैठक बस्दैछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार
पार्टीमा वैचारिक मतभेद छैनः अध्यक्ष नेपाल
असार ३, २०८१ सोमबार
राष्ट्रपति पौडेललाई बर्लिनमा गार्ड अफ अनर
असार ३, २०८१ सोमबार
त्रिपाठीको कुलपूजामा प्राज्ञ डा. जगमान गुरुङ प्रमुख अतिथि
विनोद त्रिपाठी
असार २, २०८१ आइतबार
नेपालको हारले फ्यानका आँखामा आँसु, टुट्यो सुपर–८ को सपना !
नेपालबहस संवाददाता
असार १, २०८१ शनिबार
सन्दीपको सय विकेट, शतक पूरा गर्ने दोस्रो बलरको कीर्तिमान
असार ३, २०८१ सोमबार
दार्जिलिङ रेल दुर्घटना : मृत्यु हुनेको संख्या १५ पुग्यो
असार ३, २०८१ सोमबार
टीम इन्डियाले सुपर-८ खेलमा कुन कुन टिमसँग भिड्दैछ ?
असार ३, २०८१ सोमबार
मनसुन देशभर फैलन अझै कति दिन लाग्ला ?
असार ३, २०८१ सोमबार
सशस्त्र प्रहरीमा दुई डीआईजीलाई स्पष्टीकरण !
असार ३, २०८१ सोमबार
यसवर्षको मनसुनबाट कोशीमा एक लाखभन्दा बढी घरधुरी प्रभावित हुने आकलन
असार ३, २०८१ सोमबार
काठमाडौंमा ‘कनेक्टिङ कर्णाली’ सम्पन्न
असार ३, २०८१ सोमबार
लहानका बस्तीमा डकैतीको अफवाह नफैलाउन र भ्रममा नपर्न प्रहरीको आग्रह
असार ३, २०८१ सोमबार
राष्ट्रपति पौडेल र जर्मनीका समकक्षी स्टाइनमायरबीच भेटवार्ता
असार ३, २०८१ सोमबार