किसान संघद्वारा जोशीको निधनप्रति दुःख व्यक्त

२९ माघ, काठमाडौं । नेपाल किसान संघले नेपाली कांग्रेस र सुदूरपश्चिम प्रदेशका अग्रणी व्यक्तित्व गङ्गादत्त जोशीको निधनप्रति दुःख व्यक्त गरेको छ । पूर्वसांसद जोशीको यही माघ २८ गते निधन भएको हो ।

सङ्घका सभापति भानुभक्त सिग्देलले आज विज्ञप्तिमार्फत सङ्घका संस्थापक नेताप्रति श्रद्धाञ्जलि अर्पण गर्दै शोकसन्तप्त परिवारजनमा समवेदना प्रकट गरिएको छ । नेपालको प्रजातान्त्रिक आन्दोलन र सङ्घको सङ्गठन निर्माणमा जोशीको योगदान अतुलनीय रहेको उल्लेख गर्दै सभापति सिग्देलले उनको अवसानले नेपालको प्रजातान्त्रिक आन्दोलनका एउटा योद्धा र सङ्घले आफ्नो अभिभावक गुमाएको बताइएको छ ।