इदमा बलिउड नायक सलमान र अब्राहिमबिच भिडन्त

काठमाडौं । यो वर्षको इद पर्वमा नायक सलमान खान र अर्का नायक जोन अब्राहिमबिच कडा भिडन्त हुने भएको छ । सधैभरी बलिउडमा इद पर्वमा सलमान खानको चलचित्र रिलिज हुने गरेका छन् । तर, यसपटक भने नायक सलमान खानलाई अर्का नायक जोन अब्राहिमले कडा चुनौती दिएका छन् । जोनले अभिनय गरेको ‘सत्यमेव जयते २’ पनि इदमा नै रिलिज हुदै छ ।

यो चलचित्र मेको १३ तारिखबाट रिलिज हुदै छ । चलचित्रको सार्वजनिक नयाँ पोष्टरमा जोनलाई दोहोरो भूमिकामा देखाइएको छ । यसले दर्शकमा झनै उत्सुकता थपेको छ । यो चलचित्रलाई मिलाप मिलन जाभेरीले निर्देशन गरेका हुन् । यो चलचित्रको पहिलो सिरिजले पनि दर्शकको उल्लेख्य माया पाएको थियो ।

नायक सलमान खानको ‘राधे’लाई भने प्रभु देवाले निर्देशन गरेका हुन् । बक्स अफिसमा जोन र सलमानको भिडन्त रोचक हुने विश्वास गरिएको छ ।