सिद्धार्थ र कियाराबिचको प्रेम चर्चा

काठमाडौं । बलिउड अभिनेत्री कियारा आडवाणी र सिद्धार्थ मल्होत्राको बीच प्रेमसम्बन्ध बारे चर्चा शुरु भएको छ । कियाराले एक अन्तरवार्तामा यो वर्षको सुरुवातमा एक रोमान्टिक डेटमा गएको खुलासा गरेपछि यो चर्चा शुरु भएको हो ।

नयाँ वर्षको सुरुवातमा सिद्धार्थ र कियारा बिदा मनाउन मालद्वीप गएका थिए । सिद्धार्थको परिवारसँग कियारा गएपछि उनीहरु प्रेममा रहेको भन्दै विभिन्न भारतीय सञ्चार माध्यमले बताउँदै आएका छन् ।

उनले नयाँ वर्षको सुरुवातमा नै डेटमा गएको बताएपछि सिद्धार्थ नै उनका प्रेमी हुनसक्ने अनुमान गरिएको हो । तर, सिद्धार्थ र कियारा दुवैले आफ्नो सम्बन्धको बारेमा केही बताएका छैनन् ।