आँखा उपचारमा मेगा बैंकका ग्राहकले विशेष छुट पाउने

१७ कात्तिक, काठमाडौं । मेगा बैंक नेपाल लिमिटेड र दृष्टि आई केयरबीच सम्झौता भएको छ । बैंकका ग्राहकहरुलाई काठमाडौंको कलंकीमा रहेका आई केयरले विशेष छुट दिने सम्झौता भएको बैंकका प्रमुख सूचना अधिकारी तुल्सीराम पोखरेलले जानकारी दिए ।

बैंक र आई केयर सिस्टमबीच बैंकका ग्राहकहरुलाई आँखाको उपचारमा विशेष छुट र प्राथमिकता दिने सम्झौता भएको छ । सम्झौता अनुसार मेगा बैंकका डेबिट तथा क्रेडिट कार्ड प्रयोगकर्ता ग्राहकहरुले दृष्टि आई केयरको ओपीडीमा २० प्रतिशत, शल्यक्रिया शुल्कमा १० प्रतिशत, शल्यक्रिया प्याकेजमा ५ प्रतिशत, आँखाको परिक्षण र ल्यावमा ५÷५ प्रतिशत तथा चश्मा खरिदमा ७.५० प्रतिशतसम्म छुट पाउनेछन् ।

बैंकका ग्राहकहरुलाई यसअघिदेखि नै काठमाडौँ लगायत देशका विभिन्न अस्पतालहरुले विशेष छुट दिँदै आएको बताइएको छ ।