चिलिमे जलविद्युतले पठायो बोनस शेयरधनीको हितग्राही खातामा

२६ फागुन, काठमाडौं । बचिलिमे जलविद्युत् कम्पनी लिमिटेडले शेयरधनीको हितग्राही खातामा बोनस शेयर जम्मा गरिदिएको छ ।

कम्पनीले गत पुस २३ गते सम्पन्न २५औं साधारण सभाबाट पारित ७ दशमलव ५ प्रतिशत बोनस शेयर फागुन २३ गतेदेखि शेयरधनीको हितग्राही खातामा जम्मा गरिदिएको हो ।

कम्पनीले साधारण सभा प्रयोजनका लागि बुक क्लोजको समयसम्म शेयर अभौतिकीकरण गराएका शेयरधनीको हितग्राही खातामा उक्त बोनस शेयर जम्मा गरिदिएको र भौतिक शेयर धारण गरेका शेयरधनीको हकमा पनि शेयर अभौतिकीकरण गराए पश्चात स्वतः सम्बन्धित शेयरधनीको हितग्राही खातामा शेयर जम्मा गरिने भएकाले शेयर अभौतिकीकरण गराउन अनुरोध गरेको छ ।

कम्पनीको शेयर रजिष्ट्रारमा सिद्धार्थ क्यापिटल लिमिटेड रहेको छ ।