थप छ जनामा संक्रमण पुष्टि

८ जेठ, काठमाडौँ । पछिल्लो समय कोरोना भाइरसको संक्रमण दर उल्लेख्यरूपमा घटेको छ । स्वास्थ्य तथा जनसङ्ख्या मन्त्रालयले आज सार्वजनिक गरेको बुलेटिनमा दुई हजार २२६ जनामा परीक्षण गर्दा छ जनामा संक्रमण पुष्टि भएको छ ।

मन्त्रालयका अनुसार सक्रिय संक्रमितको सङ्ख्या १४१ जना छन् । विगत २४ घण्टामा १३ जना संक्रमणमुक्त भएका छन् । योसँगै संक्रमणमुक्त हुनेको सङ्ख्या नौ लाख ६६ हजार ९७५ पुगेको छ । यो दर ९८.८ प्रतिशत रहेको मन्त्रालयले जनाएको छ ।

शून्य संक्रमित रहेका जिल्ला ३१ पुगेका छन् । नेपालमा संक्रमण दर १७.२ प्रतिशत छ । नेपालमा प्रति दश लाखमा ३९३४ को निधन भएको छ । आज १७ हजार ३०२ जनाले कोरोना भाइरस विरुद्धको खोप लगाएका छन् । हालसम्म होम आइसोलेशनमा १४०, संस्थागत आइसोलेशनमा एक र सघन उपचार कक्ष (आइसियु) मा एक जनाको उपचार भइरहेको छ ।