जब क्रूर लोग्नेले मलद्वारबाट लौरो घुसाएर सिकिस्त बनायो
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
जेठ १४, २०७९ शनिबार १५:३०:३७
![](https://nepalbahas.prixacdn.net/media/albums/gita-1-e1653710426641_Gsk18b4Y1g.png)
![](https://i0.wp.com/www.nepalbahas.com/wp-content/uploads/2022/05/Pratima-Silwal-271x300-1.jpg?resize=271%2C220&ssl=1)
भरतपुर अस्पतालको सर्जिकल वार्डको बेड नम्बर ५२ मा एउटी अधबैँशे छटपट गरिरहेकी छिन्। हातमा डाक्टरले मगाएको ९ थरी औषधिको स्लिप बोकेर एउटी महिला यताउता गरिरहेकी थिइन्। अरु दुई महिला र एक पुरुष पनि के गर्ने के नगर्ने भावमा थिए।
नर्स आइन्। अनि सोधिन्, ‘औषधी ल्याउनुभयो ?’ ति महिलाले आफ्नो हातमा हेरिन् अनि भनिन्, ‘पैसा छैन कसरी ल्याउने औषधी ?’
यो अवस्था बिहीबार साँझ श्रीमानले मलद्वारबाट लौरो घुसाएर यौनाङ्गबाट निकालिदिएपछि सख्त घाइते भएकी गीता माझीको हो। उनकी देउरानी उमा माझी हातमा औषधिको स्लिप बोकेर यताउति गरिरहेकी थिइन्।
बिहीबार बेलुका घरमा खाना खाने क्रममा श्रीमानले निर्घात कुटेर पनि नपुगेपछि उनको मलद्वारमा आगो बाल्न अँगेना छेवैमा भएको दाउरा घुसाइदिएका थिए। पीडाले गीता चिच्याएपछि छिमेकीले चाल पाए। वरपर भेला भए। त्यसपछि घरको ढोका खोलेर गीताका श्रीमान् रामचन्द्रले उनलाई आँगनमा फालिदियो।
गीताकी छिमेकी तथा स्थानीय जनप्रतिनिधि ज्ञान्ती पाशवानले घटनाबारे विस्तृतमा भनिन्, ‘गीता चिच्याएको सुनेपछि हामी आइपुग्यौँ। अनि रामचन्द्रले ढोका खोलेर निस्किने बित्तिकै गीतालाई आँगनमा फालिदियो। मैले नै च्याप्प समातेँ। लाइट बालेर गुप्ताङ्ग हेरेँ। रगत थामिसक्नु थिएन। मासुको डल्लो नै बाहिर निस्किएको रहेछ। मैले नै टालो लगाएर त्यो मासुको डल्लो अलिकति भित्र घुसाइदिएँ। सबै गाउँले मिलेर रामचन्द्रलाई बाँधेर राख्यौँ। अनि पुलिस बोलाएर पठाइदियौँ। उमालाई चाहिँ एम्बुलेन्स बोलाएर हामीले लिएर अस्पताल आयौँ।’
गीतालाई रामचन्द्रले कुटपिट गरेको बिहीबार पहिलो घटना भने होइन। उनीहरु सुकुम्बासी हुन्। बिहान बेलुकाको मजदुरीले जीवन निर्वाह गर्ने गरेका छन्। तीन छोरीमध्ये एकको विवाह भयो। बाँकी दुई पनि आफै काम गरेर आफ्नो जीवन चलाउँछन्।
गीता र रामचन्द्र बस्दै आएका खैरहनी १० का वडा सदस्य ज्ञान्तीले अझ थपिन्, ‘दिनभर गीता मजदुरी गरेर आउँथिन्, लोग्ने चाहिँ उनैले कमाएकोमा मोज गर्थ्यो। अनि कता कता जान्छे भन्दै शंका गर्थ्यो।’
ज्ञान्तीकै अनुसार हरेक दिन गीताको कुटपिटबाट अनुहार सुन्निएको हुन्थ्यो। कति पटक त आफूले घर गएर रामचन्द्रलाई श्रीमती नकुट्न दबाब दिँदै एकदुई झापड समेत लगाउने गरेको उनले बताइन्। गीता भने श्रीमान छोड्न सक्थिनन्।
बिहीबार पनि श्रीमान श्रीमती दिनभर सँगै थिए। दिउँसो सँगै माछा मार्न गए। गीताकी देउरानी उमा माझीका अनुसार बेलुका उनी पसल जाँदा गीताका दम्पतीले त्यही पसलबाट एक किलो चामल र आधा किलो मासु पनि किनेका थिए। तर, त्यो मासुभात खान भ्याए भ्याएनन् थाहा छैन। श्रीमतीसँग कमाएको पैसा माग्दा उनले नदिएपछि झगडा शुरु भएको अनुमान छ।
आज कमाएको आजै सक्ने गीतासँग उपचारको लागि रकम छैन। भरतपुर अस्पताल आउने बित्तिकै अस्पतालको बिपिनको सहायताको लागि सामाजिक सेवा इकाइको सिफारिसमा उनको प्रारम्भिक उपचार गरिएको थियो।
यद्यपि हिंसाबाट प्रभावित महिलाका सेवाको लागि अस्पतालमा आधारित एकद्वार संकट व्यवस्थापन प्रणाली (ओसीएमसी) ले गीताको निःशुल्क उपचार गरिदिनुपर्ने कानूनी व्यवस्था छ। भरतपुर अस्पतालमा पनि ओसीएमसी सेवा छ। तर, उक्त ओसीएमसी हेर्ने इकाइले बिहीबार दिउँसो तीन बजेसम्म पनि उनको बारेमा रेकर्ड समेत राखेको थिएन।
भरतपुर अस्पतालका सूचना अधिकारी गोपाल पौडेललाई आइएनएसले औषधि खरिदमा ओसीएमसीको समन्वय किन भएन भनेर प्रश्न गरेपछि उनले ओसीएमसीको प्रकृयाबाट उनको सम्पूर्ण उपचार निशुल्क हुनेगरि प्रक्रिया थालिहाल्ने बताए।
लोग्नेले मलद्वारबाट लौरो घुसाउँदा गीताको यौनाङ्ग र मलद्वारबीचको खाली भाग च्यातिएको छ। उनको उपचारमा संलग्न डाक्टर दीपेन्द्र न्यौपानेका अनुसार गीताको यौनाङ्गको चार तह च्यातिएको छ। कम्मरको हड्डी भाँच्चिएको छ।
घाउको संक्रमण रोकिएपछि जतिसक्दो चाँडो शल्यक्रिया गरेर उनको उपचार गर्ने तयारी भएको डाक्टर न्यौपानेले बताए। उपचारपछि पनि गीतालाई दिसा पिसाब नरोकिने फिस्टुला, आन्द्रामा समस्या लगायतका स्वास्थ्य जटिलता रहने उनले बताए।
यता जिल्ला प्रहरी कार्यालय चितवनले प्रहरी हिरासतमा रहेका गीताका श्रीमान ४० वर्षका रामचन्द्रलाई अदालतबाट म्याद थप गरि अनुसन्धान थालिएको जानकारी दिएको छ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनर्सहरुमाथिको दमन आखिर कहिलेसम्म ?
जेठ ८, २०८० सोमबार
अषाढ मै रौतहट पुर्ण खोप जिल्ला घोषणा हुने
जेठ ६, २०८० शनिबार
सबै अस्पतालको उपकरण जाँच १५ दिनभित्र गर्न स्वास्थ्यमन्त्री बस्नेतको निर्देशन
जेठ ५, २०८० शुक्रबार
एआईजी कि हबल्दार मेजर ?
नेपालबहस संवाददाता
असार १८, २०८१ मंगलबार
सभापति देउवासँग अध्यक्ष नेपालको भेट
नेपालबहस संवाददाता
असार १८, २०८१ मंगलबार
सिंहदरबार पुगेर ओलीले प्रचण्डलाई सुनाए देउवाका कुरा
नेपालबहस संवाददाता
असार १६, २०८१ आइतबार
एआईजी कि हबल्दार मेजर ?
असार १८, २०८१ मंगलबार
सभापति देउवासँग अध्यक्ष नेपालको भेट
असार १८, २०८१ मंगलबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
सभापति रवि लामिछानेले बैठक लाइभ नगरी बोल्न रोकेको भन्दै महामन्त्री ढकालले टाले मुख
असार १९, २०८१ बुधबार
बीमा रकमको लोभमा आफ्नै पसल चोरीको अभिनय गर्ने सञ्चालकसहित ५ जना पक्राउ
असार १९, २०८१ बुधबार
रास्वपाको केन्द्रीय समिति बैठक शुरु, महामन्त्री ढकालको प्रतिवेदनमाथि छलफल हुँदै
असार १९, २०८१ बुधबार
सत्ता सजिलै नछाड्ने प्रधानमन्त्री प्रचण्डको संकेत, अब कसरी गठन हुन्छ नयाँ सरकार ?
असार १९, २०८१ बुधबार
कोलम्बिया र ब्राजिल कोपा अमेरिकाको क्वाटरफाइनलमा
असार १९, २०८१ बुधबार
युरोकपमा क्वाटरफाइनलको समीकरण पुरा
असार १९, २०८१ बुधबार