भारतमा एक दिनमा दुई हजार ३३८ कोरोना संक्रमित

१७ जेठ, एजेन्सी । भारतमा सोमबार कोरोनाको दैनिक संक्रमण थोरै गिरावट देखिएको छ । पछिल्लो २४ घण्टामा यस देशमा दुई हजार ३३८ नयाँ स्रक्रमित दर्ता भएका स्वास्थ्य तथा परिवार कल्याण मन्त्रालयले मंगलबार जानकारी दिएको छ ।

आइतबार एक दिनमा दुई हजार ७०६ जना कोरोना संक्रमित भएका थिए । आइतबार तुलनामा सोमबार कोरोना संक्रमितको संख्यामा केही कमि आएको देखियो । हाल यहाँ १७ हजार ८८३ सक्रिय संक्रमणसक्रिय रहेका छन् । यो संख्या कुल स्रक्रमितको ०.०४ प्रतिशत हो ।

पछिल्लो २४ घण्टामा २ हजार १३४ जनालाई कोरोना निको भएपछि कुल ४ करोड २६ लाख १५ हजार ५७४ पुगेको छ । अहिले कोरोना भाइरस मुक्ति दर ९८.७४ प्रतिशत रहेको छ । स्वास्थ्य मन्त्रालयकाअनुसार पछिल्लो २४ घण्टामा १९ जनाको मृत्यु भएसँगै मृत्यु हुनेको संख्या ५ लाख २४ हजार ६३० पुगेको छ ।

भारतले सोमबार ३ लाख ६३ हजार ८८३ जनाको कोभिड परीक्षण गरेको छ । हालसम्म भारतमा कुल ८५ करोड ४ लाख कोभिड परीक्षण गरिएको छ । भारतमा सन् २०२१ जनवरीबाट राष्ट्रव्यापी खोप अभियान शुरु गरिएको थियो । सो समयदेखि हालसम्म १ अर्ब ९३ करोड डोज खोप लगाइएको छ ।