दुबईबाट नेपाल आएका युवकमा मंकीपक्स फेला, पुष्टि हुन बाँकी

२ असार, काठमाडौं । दुबईबाट नेपाल आएका एक युवकमा मंकीपक्स भाइरस फेला परेकाे छ । उनी दुबईबाट भर्खर मात्र नेपाल आएका युवक हुन् ।

काठमाडौंको टेकुस्थित शुक्रराज ट्रपिकल तथा सरुवा रोग अस्पतालमा उपचारमा गएका एक युवकमा मंकीपक्सको संक्रमणसँग मिल्दोजुल्दो लक्षण देखिएकाे छ ।  उनी अहिले टेकु अस्पतालमै भर्ना भएर उपचार गराइरहेका छन् ।

अस्पतालको स्रोतका अनुसार त्रिभुवन अन्तर्राष्ट्रिय विमानस्थलमा रहेको हेल्थ डेस्कले दुबईबाट नेपाल आउँदा उनमा ‘मंकीपक्स’ भाइरस संक्रमणको आशंका गरेर टेकु पठाएको थियो ।

अस्पतालका अनुसार उनमा एक सातासम्म लगातार ज्वरो आएको थियो । उनी २७ बर्षिय युवक हुन् । आजै दुबईबाट आएका २७ वर्षीय ती युवामा लगातार एकसय चार डिग्रीसम्म ज्वरो आएको थियो भने शरीर र हातमा राता फोका देखिएको थियो । अहिले उनको स्वास्थ्य अवस्था सामान्य रहेको अस्पतालले जानकारी दिएको छ ।

तर यो भाइरसको नेपालमा परीक्षण नहुने नभएकाले यो विषयमा छलफलपछि मात्र निर्णय हुने अस्पतालले जनाएको छ । तेसो त मंकीपक्स देखिरहेको देशमा भाइरसको स्वरुप परिवर्तन भएकाले महामारीका रुपमा फैलनसक्ने खतरा पनि उत्तिकै रहेको छ ।