बिरामीलाई रगत आवश्यकता, एसपीको जन्मदिनमा ३४ जनाले गरे रक्तदान

♦ सुधा देव

४ असार, सप्तरी । सप्तरीका प्रहरी प्रमुख अभिनारायण काफ्लेले आफ्नो जन्म दिनको उपलक्ष्यमा शनिबार रक्तदान कार्यक्रमको आयोजना गरेका छन् ।

रक्तदान जीवन दान भएकोले जिल्ला बिरामीहरूको लागि रगत आवश्यकता भएको जानकारी पाएर रक्तदान गरेर जन्म दिन मनाएको प्रमुख काफ्लेले बताए ।

कार्यक्रममा ३४ जनाले रक्तदान गरेका थिए । अहिले अस्पतालमा रगतको कमी रहेको बेला गरेको रक्तदानले अर्काको नयाँ जीवन दिने भएकोले जन्म दिनको दिनको अवसरमा गरेको कार्यक्रम सकारात्मक सन्देश दिएको सहभागीहरूले बताए ।

रक्तदान कार्यक्रममा प्रमुख जिल्ला अधिकारी जनार्दन गौतमले, गजेन्द्रनारायण सिंह अस्पतालका मेडिकल सुपरिटेन्डेन्ट लिलिप साह पत्रकार महासंघ शाखा सप्तरीकी उपाध्यक्ष अम्बिका दाहाल, नेपाली सेनाका कर्णेल दुर्गा थापा,सप्तरी उद्योग वाणिज्य संघका अध्यक्ष लालु अग्रवाल, नागरिक समाजका संयोजन थानसिँह भँसाली, रेडक्रस सप्तरीका अध्यक्ष जोगिन्द भगत, डा.मुरली प्रसाद सिंह, व्यवसायी शंकर शारदाको उपस्थिति रहेको थियो ।