महानगरले हटलाइन सुरु गर्यो, डेङ्गु सङ्क्रमितलाई निशुल्क एम्बुलेन्स र स्वास्थ्य परामर्श

३१ भदौ, काठमाडौं । काठमाडौं महानगरपालिकाले डेङ्गु सङ्क्रमण रोकथाम र नियन्त्रणका लागि हटलाइन सेवा सुरु गरेको छ । महानगरले २४ घण्टे हटलाइन र स्वास्थ्यकर्मीहरुबाट परामर्श सेवा सुरु गरेको हो ।

महानगरका प्रमुख बालेन शाहले डेङ्गु रोकथाम तथा नियन्त्रणका लागि भइरहेका प्रयासलाई थप बिस्तार गर्दै दुवै सेवा सुरु गरिएको बताएका छन् । डेङ्गु नियन्त्रणबारे महानगरले सुरु गरेको सेवाबारे उल्लेख गर्दै उनले सामाजिक सञ्जालमा भनेका छन्, “२४ घण्टे हटलाइन सुरु गरेका छौं, सङ्क्रमित भए वा भएको शङ्का लागेमा ११८० मा कल गरेर स्वास्थ्यकर्मीबाट नै परामर्श पाउन सक्नुहुनेछ ।” उनले आवश्यक भए १०२ मा कल गरेर महानगरको निशुल्क एम्बुलेन्स सेवा पनि लिन सकिने बताएका छन् ।

उनले डेङ्गु विरुद्धमा टोल टोल वा समुदायीकरुपमा नै सक्रिय भएर लाग्न सबैमा अपील गरेका छन् ।