हेटौडामा डेङ्गु संक्रमण तीव्र गतिमा, मेयर साब मलेसियामा
नेपालबहस संवाददाता
असोज ६, २०७९ बिहिबार २२:२०:७
६ असोज, हेटौंडा । बागमती प्रदेशको राजधानी हेटौडामा पनि डेङ्गु संक्रमित बढेका छन् । बुधबार २४ घण्टामा मात्रै मकवानपुरमा १४८ जना संक्रमित भइसकेका छन् । जसमा हेटौडा उपमहानगरपालिकाका मात्र १४४ जना रहेका छन् । यसैगरी मकवानपुरगढी गाउँपालिकामा २ जना, मनहरी र भीमफेदी गाउँपालिकामा २/२ जना फेला परेका छन् । डेङ्गुकै कारण हेटौडा उपमहानगरपालिकामा एकजनाको मृत्युसमेत भैसकेको छ ।
अहिले हेटौडा अस्पतालमा डेङ्गुको उपचार पाउनसमेत समस्या भएको छ । डेङ्गुका बिरामीको चापका कारण हेटौडा अस्पतालको इमर्जेन्सी कक्षको एउटै बेडमा २ जनालाई राखेर समेत उपचार भैरहेको छ । हेटौडा अस्पतालमा डेङ्गुका बिरामीको चाप बढेपछि बिरामीहरू उपचारका लागि छिमेकी जिल्ला चितवन तथा काठमाडौं जान थालेका छ्न् ।
यस्तै २०७९ साउनदेखि हालसम्म हेटौडामा मात्रै १०५० पुरुष, र ८०२ जना महिला गरी १ हजार ८५२ जना डेङ्गुको संक्रमणमा परिसकेका छन् । यसैगरी यस अवधिमा थाहा नगरपालिकामा ३७ जना, मकवानपुरगढीमा ३४ जना, बागमतीमा ३ जना, मनहरीमा २७ जना, कैलाशमा १ जना, भीमफेदीमा १४ जना, बकैयामा ८ जना र राक्सिराङमा एकजना डेङ्गुका बिरामी फेला परेका छन् । जिल्ला स्वास्थ्य कार्यालयका सूचना अधिकारी लक्ष्मण घिमिरेका अनुसार इन्द्रसरोबर गाउँपालिकामा डेङ्गुका बिरामी फेला परेका छैनन् ।
डेङ्गु संक्रमण निकै तीव्र गतिमा बढेपछि यसलाई ‘प्रकोप’ घोषणा गर्ने तयारी भएको छ । स्वास्थ्य सेवा विभाग अन्तर्गतको इपिडेमियोलोजी तथा रोग नियन्त्रण महाशाखा (इडीसीडी) ले डेङ्गु महामारी घोषणा गर्न स्वास्थ्य तथा जनसंख्या मन्त्रालयमा प्रस्ताव समेत पेश गरेको अवस्था छ ।हेटौडा उपमहानगरपालिकाकी मेयर मिनाकुमारी लामा भने विदेश उडेका छन् । मेयरले उपमहानगरमा डेङ्गुको प्रकोप बढेका वेला त्यसको रोकथामलाई भन्दा मलेसिया भ्रमणलाई प्राथमिकता दिनु उचित नभएको गुनासो स्थानीय नागरिकले गरिरहेका छन् ।
मानव बस्ती व्यवस्थापनको लागि सहरी सरोकारवालाहरूको संस्था ‘सिटिनेट’ को नेपाल च्याप्टरको अध्यक्ष हेटौडा उपमहानगरपालिका भएको कारणले जानैपर्ने भएर गएको उपमहानगरपालिकाका १ नम्बर वडाका अध्यक्ष तथा प्रवक्ता सबिन न्यौपानेले बताए । मेयर आफैंले गर्ने भन्दा पनि सिस्टमले काम गर्ने भन्दै उनले डेङ्गु नियन्त्रणका लागि काम भैरहेको बताए । नगरभित्र रहेको हेटौडा अस्पताललाई डेङ्गु परीक्षणका कीट उपलब्ध गराइरहेको पनि जानकारी पनि उनले दिए। उपमेयर, वडाध्यक्षहरू, नगरपालिकाका शाखाहरू सक्रिय रहेकाले मेयर नभए पनि कुनै अप्ठ्यारो नपरेको भन्दै मेयरको बचाउ गरे ।
मलेसियाको राजधानी क्वालालाम्पुरमा हुने मानव बस्ती व्यवस्थापनको लागि सहरी सरोकारवालाहरूको संस्था ‘सिटिनेट’ को अन्तर्राष्ट्रिय सम्मेलनमा सहभागि हुनका लागि नगर प्रमुख लामा मलेसिया पुगेका हुन् । मेयर लामा १३५ भन्दा बढी मुलुकका नगरपालिका, गैरसरकारी संस्था निजी कम्पनी र अनुसन्धान केन्द्रहरूको साझा संस्था सिटिनेटको नवौं सभामा सहभागि समेत हुने बताइएको छ ।
सिटिनेटको नेपाल च्याप्टरको अध्यक्ष रहेको हेटौंडा उपमहानगरपालिका सहित १६ वटा स्थानीय तह र विभिन्न संस्थाको नेतृत्व गर्दै जानुपर्ने भएकाले नगरप्रमुख लामा मलेसिया गएको प्रवक्ता न्यौपानेको भनाइ छ। सभा असोजको ४ गते देखि ७ गतेसम्म सञ्चालन हुने कार्यतालिका रहेको छ । श्रोत: आइएनएस-स्वतन्त्र समाचार
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपपुनः पहिरो खसेपछि रोकियो मेची राजमार्गको मर्मतसम्भार
असोज २०, २०८१ आइतबार
पहिरो गएपछि मेची राजमार्ग अवरुद्ध, यातायात ठप्प
असोज १८, २०८१ शुक्रबार
कोशीमा न्युनतम साझा कार्यक्रम बनाउन कार्यदल गठन
असोज ६, २०८१ आइतबार
प्रहरीमा चार हजार दरबन्दी रिक्त, कासमु देखाएर वृत्ति विकासमा बन्ध्याकरण !
नेपालबहस संवाददाता
असोज १८, २०८१ शुक्रबार
कर्णालीले जित्यो एभरेस्ट महिला भलिबल लिगको उपाधि
नेपालबहस संवाददाता
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
नेपालबहस संवाददाता
असोज १९, २०८१ शनिबार
कर्णालीले जित्यो एभरेस्ट महिला भलिबल लिगको उपाधि
असोज १९, २०८१ शनिबार
दाउन्ने सडकखण्डमा ठूला मालवाहक सवारीसाधन सञ्चालनमा रोक
असोज १९, २०८१ शनिबार
प्रधानमन्त्री उद्धार कोषमा एमालेले गर्यो ५० लाख सहयोग
असोज २०, २०८१ आइतबार
प्रधानमन्त्रीलाई कांग्रेसको ध्यानाकर्षण, उद्धार कोषमा ५० लाख सहयोग
असोज २०, २०८१ आइतबार
५६ अंकले बढेर २६५३ विन्दुमा उक्लियो नेप्से, ६ अर्ब १३ करोडको शेयर खरिदबिक्री
असोज २०, २०८१ आइतबार
गौशाला धर्मशालाको व्यबस्थापन पशुपति विकास कोषले गर्ने
असोज २०, २०८१ आइतबार
अवैध लागूऔषधसहित विभिन्न स्थानबाट ११ जना पक्राउ
असोज २०, २०८१ आइतबार
राष्ट्रपतिबाट नवनियुक्त प्रधानन्यायाधीश राउतले लिए शपथ
असोज २०, २०८१ आइतबार