एकताको सन्देशसहित मधेश झरे डा. शेखर, गठबन्धनका दलहरुमा उत्साह
यज्ञप्रसाद भट्टराई
असोज ३१, २०७९ सोमबार २०:५०:४५
नेपाली कांग्रेसभित्रको शक्ति संघर्ष निरन्तर चलिरहेको छ । पार्टी सभापति एवं प्रधानमन्त्री शेरबहादुर देउवा र प्रभावशाली नेताका रुपमा आम कार्यकर्ता तहमा आशा र भरोसाको दियोका रुपमा चिनिएका डा. शेखर कोइराला बीचमा मात्र नभई आम नेता तथा तल्लो तहका कार्यकर्ता तहमै विचार र भागवण्डाको राजनीति ज्यूँदै छ । पार्टीभित्रको आन्तरिक संघर्षलाई थाती राखेर अहिले नेपाली कांग्रेसका सबै नेता तथा कार्यकर्ताहरु संघीय तथा प्रदेशको निर्वाचनमा होमिएका छन् ।
देशमा जबजब संकटको घडी आउँछ तबतब नेपाली कांग्रेस एक ढिक्का भएर त्यसको सामना गर्न अग्रसर भएका विगतलाई यसपटकको निर्वाचनमा नेपाली कांग्रेसले देखाएको छ । केही समय अघिसम्म पार्टीभित्र विद्रोह समेत हुनसक्ने चेतावनी दिने नेताहरु अहिले हातेमालो गरेर निर्वाचनमा होमिएका छन् । घरभित्रको जतिसुकै ठूलो अन्तरविरोध भएपनि सिंगो नेपाली कांग्रेसको अस्तित्व जब संकटमा पर्ने अवस्था उत्पन्न हुन्छ, त्यसबेला सबै नेता, कार्यकर्ता एकतावद्ध भएर त्यसलाई परास्त गरेरै छाड्छन् भन्ने उदाहरण कांग्रेसभित्र अहिलेसम्म जीवितै रहेको देख्न सकिन्छ ।
पार्टी भित्रको एकताको सन्देश र आमनिर्वाचनमा नेपाली कांग्रेस र कांग्रेससँग गठबन्धन गरी निर्वाचनमा होमिएका दलहरु र तिनका उम्मेद्वारलाई विजयी गराउने महाअभियान लिएर अहिले कांग्रेसका वरिष्ठ नेता डा. शेखर कोइराला पूर्वी मधेशमा झरेका छन् । मोरङ जिल्लाको क्षेत्र नंं. ६ मा संघीय सांसदको उम्मेद्वारी समेत दिएका डा. शेखरले आफूले बोल्ने हरेक कार्यक्रममा पार्टीका नेता र कार्यकर्तालाई पार्टीभित्र कुनै विवाद र मतभेद नभएको सन्देश दिइरहेका छन् । यसबाट नेता, कार्यकर्ताहरुमा पनि पार्टीलाई जिताउन अघि बढ्ने माहोल बन्दै गइरहेको पाइन्छ ।
मोरङमा भइरहेका चुनाव केन्द्रित कार्यकर्ता भेटघाटका क्रममा वरिष्ठ नेता डा. शेखर कोइरालाले ‘म र शेरबहादुरजी बीचमा जे जे मतभेद र विवादहरु थिए, ती सबै समाप्त भइसकेका छन् । हिजो महाधिवेशन बेला हामीले दुईवटा समूह बनाएर वडादेखि केन्द्रसम्म लबिङ गरेकै हाे । शेरबहादुरजी र म सभापतिका लागि लडेकै हाे । तर अब हामीबीच कुनै प्रकारको मतभेद र विवाद छैन’ डा. शेखरले भन्दै आएका छन् ।
डा. शेखर काेइरालामा पार्टी र सरकारलाई कसरी सन्तुलित रुपमा अगाडि बढाउनुपर्छ ? भन्ने क्षमता प्रचुर मात्रामा रहेको कुरा पुनः पुष्टि भएकाे छ ।
निर्वाचनका बेला पार्टीभित्रका आन्तरिक तुषहरु लिएर कार्यकर्ता तहमा जादा त्यसले धेरै ठूलो असर पार्न सक्ने कुरा बुझेका नेता कोइरालाले अहिले सुझबुझका साथ निर्वाचन केन्द्रित कार्यक्रमहरु अगाडि बढाइरहेक छन् । विगतमा गठबन्धका कट्टर विरोधी देखिएका वरिष्ठ नेता डा. कोइराला अहिले गठबन्धनका पक्षमा समेत नरम बन्दै गइरहेका छन् । उनले आफ्ना चुनावी सभाहरुमा ‘हामीले स्थानीय तहको निर्वाचनमा गठबन्धन नगरी निर्वाचन लडौं भनेकै हौ, तर संविधान नै यस्तो बनयौं कि निर्वाचनमा होस् या सरकार निर्माण गर्दा होस्, राजनीतिक दलहरुसँग गठबन्धन नगरी नहुने अवस्था छ । यसलाई नेपाली कांग्रेसका सबै नेता र कार्यकर्ताहरुले बुझिदिनु पर्छ ।’
चुनावी अभियानका क्रममा र उनले व्यक्त गरेका अभिव्यक्तिहरुले कांग्रेस कार्यकर्तामा उत्साहको सञ्चार त गरेकै छ त्योभन्दा बढी गठबन्धनका दलहरुलाई समेत थप हौसला मिलिरहेको छ । डा. शेखरले बोलेका हरेक कुराहरुबाट नेपाली कांग्रेसले यो बुझ्न जरुरी छ कि हिजो पनि देश र संविधानलाई अप्ठ्यो पर्दा डा. शेखर नै अग्रपंक्तिमा रहेर प्रतिगमनको विरुद्धमा सडकमा आएका थिए भने अहिले गठबन्धनका उम्मेद्वारलाई जिताउन पनि निर्वाचनको अग्रमोर्चामा खटिइरहेका छन् । यसले के कुराको पुष्टि गर्छ भने डा. शेखरमा पार्टी र सरकारलाई कसरी सन्तुलितरुपमा अगाडि बढाउनुपर्छ भन्ने क्षमता उनमा प्रचुर मात्रामा रहेको कुरा पुन: स्पष्ट भएकाे छ ।
अहिले, यदि डा. शेखर गठबन्धनको विपक्षमा मात्रै उभिने हो भने सिंगो देशको राजनीतिक धारलाई पल्टाइदिन सक्छ, तर यसले नेपाली कांग्रेसलाई कुनैपनि प्रकारको फाइदा पुग्दैन । त्यसैले नेपाली कांग्रेसलाई घाटा हुने कुनैपनि गतिविधिहरु नेपाली कांग्रेसका कुनैपनि नेता तथा कार्यकर्ताहरुले गर्नु हुदैन भन्ने संदेश लिएर अहिले कांग्रेसका वरिष्ठ नेता पूर्वी नेपालको दौडाहामा छन् । दीपावलीसम्म मोरङमा रहेर आम कार्यकर्ता तहमा नेपाली कांग्रेसले आगामी निर्वाचनमा गठबन्धनका सबै उम्मेद्वारलाई विजय गराउने अभियानमा रहेका डा. शेखर दीपावलीपछि पूर्वी नेपालका अन्य जिल्लाहरुमा समेत जाने कार्यक्रम तय गरिएको छ ।
यज्ञप्रसाद भट्टराई
यज्ञप्रसाद भट्टराई पूर्वको झापामा रहेर राजनीतिक, सामाजिक अभियानमा क्रियाशील छन् । सहकारी आन्दोलनमा समेत सरिक रहेका भट्टराईले पछिल्लो समय नेपालबहस डटकममा आबद्ध रहेर लेखन तथा पत्रकारिता गरिरहेका छन् ।
लेखकबाट थपएन्टीथेसिसः दाहालको ‘थेसिस’ असफल, संविधानको अन्तरवस्तुमा संशोधनको बहस अपरिहार्य
जेठ १८, २०८१ शुक्रबार
वि.सं. २००७ सालपछिको राजनीति: अस्थिरताको पर्याय
जेठ १६, २०८१ बुधबार
राज्यसंयन्त्र र नेताहरूको यस्तो व्यवहारमा समाजवादको कल्पना गर्न सकिएला ?
जेठ १५, २०८१ मंगलबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
शल्यक्रिया गर्न पालो कुर्नुपर्ने समस्या अन्त्य गरिने
जेठ १९, २०८१ शनिबार
क्यामरा आकृतिको भवन
जेठ १९, २०८१ शनिबार
नेपालगञ्जका विद्यालयमा गर्मी बिदा बढाइयो
जेठ १९, २०८१ शनिबार
दरबार हत्याकाण्डको २३ वर्ष पूरा
जेठ १९, २०८१ शनिबार
युक्रेनले रुसविरुद्ध आफ्नो सीमाभित्र अमेरिकी हतियार प्रयोग गर्नसक्ने
जेठ १९, २०८१ शनिबार
मलाइका र अर्जुनको ब्रेकअप !
जेठ १९, २०८१ शनिबार