डेंगुबाट थप १ जनाको मृत्यु, १७ सय बढी संक्रमित

१ कात्तिक, काठमाडौं । पछिल्लो २४ घण्टामा डेंगुबाट एक जनाको मृत्यु भएको छ । योसँगै हालसम्म मृत्यु हुनेको सङ्ख्या ४९ पुगेको छ ।

सोही अवधिमा देशभर १ हजार ७१४ जना डेंगु रोगी थपिएका छन् । हालसम्म देशभर ४१ हजार ७४३ जना सम्भावित डेंगु रोगी देखिएको स्वास्थ्य तथा जनसंख्या मन्त्रालयले मंगलबार जनाएको छ । गत साउनदेखि सुरु भएको डेंगु रोगको प्रकोप ७७ वटै जिल्लामा फैलिसकेको मन्त्रालयले जनाएको छ ।