नवलपुर अदालतको फैसलाविरुद्ध पल शाहले दिए उच्चमा पुनरावेदन

२५ कात्तिक, काठमाडौं । नाबालिगमाथि यौन दुरुपयोग गरेको मुद्दामा नवलपुर जिल्ला अदालतले दोषी ठहर गरेको फैसलाविरुद्ध अभिनेता पल शाहले यसविरुद्ध उच्च अदालत पोखरामा पुनरावेदन गरेका छन् ।

जिल्ला अदालतको फैसला उल्टाएर सफाइ दिनुपर्ने मागसहित शुक्रबार उच्च अदालतमा निवेदन दर्ता गराएको शाहका कानुन व्यवसायीले जानकारी दिए ।

नाबालिकामाथि बलात्कारको आरोप लागेका शाहलाई नवलपुर अदालतले बालयौन दुरुपयोगमा दोषी ठहर गर्दै साढे दुई वर्ष कैद, २५ हजार रुपैयाँ जरिवाना र पीडितलाई १० लाख रुपैयाँ क्षतिपूर्तिको फैसला सुनाएको थियो ।

एक किशाेरीलाइ बलात्कार गरेकाे कसुरसम्बन्धी अर्को मुद्दामा उनी हाल तनहुँ कारागारमा छन् ।