नदीजन्य पदार्थ उत्खनन् रोक्न माग गर्दै नगरपालिका घेराउ

१९ पुष, काठमाडौं । कैलालीको खुटीया नदीबाट नदीजन्य पदार्थ उत्खनन् रोक्न माग गर्दै स्थानीयले गोदावरी नगरपालिका घेराउ गरेका छन् ।

उत्खनन् र बिक्रीमा व्यापक भ्रष्ट्रचार भएको बताउँदै उनीहरुले उत्खनन् कार्य बन्दका लागि मंगलबार नगरपालिकाको कार्यालय घेराउ गरेका हुन् ।

नेकपा एमाले गोदावरीको नेतृत्वमा सभागीहरुले नगरपालिकाले नगर प्रमुख विरेन्द्र भट्टले खुटीया नदीमा बदनीयत पूर्ण काम गरेको बताए । भ्रष्टाचार गर्ने नियतले नदीजन्य पदार्थ उत्खनन् र बिक्री भइरहेकाले तुरुन्त सत्यतथ्य बाहिर ल्याउन माग गरेका छन् ।

नगरपालिका परिसरमा ’खुटिया काण्ड बन्द गर’ ’भ्रष्टाचार छानविन गर’ राजस्व चुहावट गर्न पाइदैन भन्ने नाराका साथ विरोध पर्दशन गरिएको थियो । बन्द नगरेसम्म आन्दोलन जारी रहने उनीहरुको भनाइ छ ।