कर्मचारीलाई अनुदान दिन गाउँपालिकाले बनायो कार्यविधि

१५ माघ, मन्थली । यहाँको लिखु तामाकोसी गाउँपालिकाले कार्यविधि तय गरेको छ । पालिकाको १०औं गाउँसभाले गाउँ कार्यपालिकाबाट पारित भएका ९ वटा कार्यविधि पारित गरेको हो । गाउँसभाको बैठक गाउँपालिकाका अध्यक्ष केशव महतको अध्यक्षतामा बसेको बसेको थियो ।

उनका अनुसार शैक्षिक व्यवस्थापन कार्यविधि २०७९, एम्बुलेन्स सेवा सञ्चालन कार्यविधि २०७९, जलस्रोत तथा मुहान दर्ता सम्बन्धी कार्यविधि २०७९, विद्यालय भौतिक पूर्वाकार कार्यक्रम सञ्चालन तथा व्यवस्थापन कार्यविधि २०७९ पारित गरेको गाउँपालिकाका प्रवक्ता कैशाल दर्लामीले जानकारी दिए ।

यस्तै,, शैक्षिक छात्रवृत्ति वितरण कार्यविधि २०७९,राष्ट्र सेवक तथा कर्मचारी व्यवस्थापन अनुदानसम्बन्धी कार्यविधि २०७९, विकास समिति गठन तथा क्रियाकलाप सम्बन्धी कार्यविधि २०७९ पारित भएको प्रवक्त दर्लामीले बताए ।

कर्मचारीलाई अनुदान दिनेसम्बन्धी कार्यविधिको भने विरोध सुरु भएको छ । जनताको करबाट तलब भत्ता खाइरहेका राष्ट्रसेवक कर्मचारीलाई जनताको करबाट थप सुविधा पुग्ने गरी कार्यविधि बनाएको भन्दै विरोध सुरु भएको हो ।