डेढ महिना अघि बाँकेमा देखिएको दादुरा संक्रमण ६ जिल्लामा पुग्यो

१ फागुन, काठमाडौं ।  डेढ महिना अघि बाँकेमा देखा परेको दादुरा संक्रमण हाल कर्णाली र सुदूरपश्चिमका ६ जिल्लामा देखा परेको छ । गत पुष १२ गतेदेखि गते बाँकेमा देखा परेको दादुरा अहिले कर्णाली र सुदुरपश्चिमका ६ जिल्लामा देखा परेको छ।

स्वास्थ्य तथा जनसंख्या मन्त्रालयका अनुसार बाँके, बर्दिया, सुर्खेत, दाङ, कैलाली र कञ्चनपुरमा दादुराको संक्रमण भएका बिरामी फेला परेका छन्, जसअनुसार आइतबार अबेरसम्म ३ सय ९२ जना बालबालिकामा संक्रमण पुष्टि भएको छ ।

यसरी संक्रमित हुनेमध्ये ८२ प्रतिशत बाँके जिल्लाका बालबालिका रहेको स्वास्थ्य मन्त्रालयको अधिकारीहरुले जनाएका छन । मन्त्रालयका अनुसार ९१ प्रतिशत संक्रमित १५ वर्षमुनिका छन् भने संक्रमितमध्ये अधिकांशले दादुरा विरुद्धको खोप नलगाएको भेटिएको छ ।

प्रभावित जिल्लाहरुमा १० देखि ६१ प्रतिशत बालबालिका दादुराको जोखिममा रहेको जनाउँदै मन्त्रालयले कर्णाली र सुदूरपशिचमका जिल्लाहरुमा बिरूद्द खोप अभियानलाई तिब्र पारिएको मन्त्रालयले जानकारी दिएको छ । दादुरा संक्रमणबाट एक महिनाअघि नेपालगञ्ज– ५ मा दुई वर्षीय बालकको मृत्यु भएको थियो ।