प्रहरी र विप्लव समुहबीच गोली हानाहानको समाचारबारे काभ्रे प्रहरी नै अनभिज्ञ
इन्द्र रिजाल
चैत ५, २०७५ बुधबार ४:१८:५
काठमाडौं । काभ्रेको रोशी गाउँपालिकामा प्रतिबन्धित नेकपा विप्लव समूहका सदस्य र प्रहरीबीच गोली हानाहान भएको छ। विप्लव समूहका सदस्यलाई पछ्याउँदै गएको महानगरीय अपराध अनुसन्धान महाशाखाको टोली र विप्लव समूहका सदस्यबीच गोली हानाहान भएको महाशाखाका निमित्त प्रमुख एसपी केदार ढकालले जानकारी दिए ।
उनले भने, ‘विप्लव समूहले गोली हानेपछि जवाफी फायरिङ गर्नु परेको थियो। विप्लव समूहका दुईजनालाई नियन्त्रणमा लिएका छौं । ‘पक्राउ परेका दुई जना विप्लव समूहको बम बनाउने टोलीका सदस्य भएको बुझिएको छ।
तर, संचारमाध्याममा काभ्रेमा गोली चलेको बारे समाचार भाइरल भइरहँदा काभ्रेका एसपी रविराज खड्कालाई भने कुनै जानकारी छैन । काभ्रेको कुन ठाउँमा गोली चलेको हो र के कति हताहत भए भन्ने नेपाल बहसको जिज्ञासामा आफुले पनि सामाजिक संजाल र संचारमाध्यामबाट घटनाबारे हल्ला सुन्दा छक्क परेको बताउँदै अहिलेसम्म आफुलाई कुनै जानकारी नभएको र नदिइएको दावी गरे ।
महानगरिय अपराध महाशाखाले स्थानिय प्रहरीसँग समन्वय गरेर नै काम गर्ने प्रचलन भएपनि काभ्रे जिल्लाभित्र गोली हानाहान भएको खबर हालसम्म प्राप्त नभएको एसपी खड्काले बताए । मातहतका निकायले काभ्रे जिल्लाभित्र कुनै घटना भए तुरुन्त जानकारी गर्ने गराउने प्रचलन भएकोले यस घटनाबारे काभ्रे प्रहरी पूर्णतः अनभिज्ञ रहेको बताए ।
यसबारे महानगरीय अपराध अनुसन्धान महाशाखाका निमित्त प्रमुख एसपी केदार ढकालले केही समयअघि नेपाल बहससँग कुराकानी गर्दै भनेका थिए – ‘आज बिहान हाम्रो टोली उनीहरुको पिछा गर्दै काभ्रेको पनौती आसपास गएको सत्य भएपनि घटनाबारे यथार्थ जानकारी प्राप्त भइसकेको छैन । टोलीसँग फोन सम्पर्क हुन नसकिरहेकोले यसै भन्नसक्ने अवस्था रहेको छैन ।’ काभ्रे प्रहरीलाई हालसम्म कुनै जानकारी रहेनछ नि ? किन समन्वय नगरिएको हो भन्ने जिज्ञासामा एसपी ढकालले समन्वय गर्ने क्रममा रहेको दावी गरे ।
गत फागुन २८ गते बसेको मन्त्रिपरिषद्को बैठकले नेत्रविक्रम चन्द नेतृत्वको विप्लव समूहमाथि प्रतिबन्ध लगाएको थियो । त्यसयता नेपाल प्रहरीले समूहका नेता कार्यकर्तालाई जहाँ भट्यो, त्यहीँ पक्राउ गर्ने वा घुँडामुनि गोली ठोक्ने आदेश प्रहरीलाई दिइसकेको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपगृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
संसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
तपाईको आजको राशीफल कस्तो छ ?
जेठ १८, २०८१ शुक्रबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
एन्टीथेसिसः दाहालको ‘थेसिस’ असफल, संविधानको अन्तरवस्तुमा संशोधनको बहस अपरिहार्य
जेठ १८, २०८१ शुक्रबार
नेपालमा धूमपान र सुर्तीजन्य पदार्थको प्रयोगबाट मुखको क्यान्सर बढ्दै
जेठ १८, २०८१ शुक्रबार
अनन्त-राधिकाको दोस्रो प्रि-वेडिङ समारोहमा हलिउड गायिका केट पेरीको परफरमेन्स
जेठ १८, २०८१ शुक्रबार
काठमाडौं उपत्यकाभित्र त्रिविको सम्पत्ति खोजबिन गर्न पूर्वसचिवको संयोजकत्वमा समिति गठन
जेठ १८, २०८१ शुक्रबार
गृहमन्त्रीको फन्टुस निर्णयविरुद्ध सर्वोच्चमा रिट, आइतबार प्रारम्भिक सुनुवाइ हुने
जेठ १८, २०८१ शुक्रबार
यस्ता छन् मन्त्रिपरिषद् बैठकका २६ निर्णय ( हेर्नुस सुचिसहित )
जेठ १८, २०८१ शुक्रबार