निर्मला हत्या प्रकरण : बर्खास्त प्रहरी उपरीक्षक विष्टसँग बयान लिने कार्य सकियो
इन्द्र रिजाल
चैत ६, २०७५ बिहिबार २:४२:२९
कंञ्चनपुर । बलात्कारपछि हत्या गरिएकी कञ्चनपुरको भीमदत्त नगरपालिका–१३ की बालिका निर्मला पन्तको हत्या प्रकरणमा बर्खास्तमा परेका तत्कालीन प्रहरी उपरीक्षक डिल्लीराज विष्टको जिल्ला अदालत कञ्चनपुरमा आज बयान लिने कार्य सकिएको छ ।
मङ्गलबार अदालतमा निवेदनसहित उपस्थित भएका विष्टसँग यातनासम्बन्धी मुद्दा र प्रमाण नष्ट गरेको मुद्दामा बयान लिने कार्य गरिएको हो । बयान लिने कार्य सकिएपछि दुवै मुद्दाबारे थुनछेक बहस शुरु भएको छ ।
कञ्चनपुर जिल्ला अदालतका न्यायाधीश राजेन्द्रकुमार आर्चायको एकल इजलासमा वादीका तर्फबाट जिल्ला न्यायाधिवक्ता देवराज भारती र सहन्यायाधिवक्ता मोहनदत्त जोशीलगायत दुई जना सरकारी वकिलले बहस गरेको अदालतका से्रस्तेदार हरिकृष्ण अवस्थीले बताए । प्रतिवादीका तर्फबाट अधिवक्ता कृष्णदेव जोशीले बहस गरेका छन् ।
“समय अपुग भएको छ,” उनले भने, “शुक्रबार पुनः बहस हुने गरी कार्यतालिका तोकिएको छ ।” “बहसको कार्य पूरा नभएपछि बर्खास्त प्रहरी उपरीक्षक विष्टलाई जिल्ला प्रहरी कार्यालयको जिम्मा लगाएका छौँ,” उनले भने, “अर्को मुद्दाका लागि वकिलको व्यवस्था गर्न समेत विष्टसँग भनेका छौँ ।”
बर्खास्त प्रहरी उपरीक्षक विष्टसहित आठ जनाविरुद्ध निर्मलाकी आमा दुर्गादेवी पन्तले सार्वजनिक न्याय विरुद्धको कसुर र दिलीप सिंह विष्टका दाजु खडक बिष्टले याताना विरुद्धको कसुरमा मुद्दा दायर गरेका थिए ।
मुद्दा दायर भएकामध्ये तत्कालीन प्रहरी उपरीक्षक ज्ञानबहादुर सेठी रु नौ लाख, प्रहरी निरीक्षक एकेन्द्र खडका रु नौ लाख र प्रहरी निरीक्षक जगदीश भट्ट रु चार लाख धरौटी रकम बुझाएर रिहा भएका थिए ।
यसैगरी, प्रहरी नायब निरीक्षक रामसिंह धामी रु तीन लाख, हरिसिंह धामी रु तीन लाख ५० हजार र प्रहरी जवान चाँदनी साउद रु दुई लाख ५० हजार धरौटी रकम अदालतमा बुझाएर रिहा भएका थिए ।रासस
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसंसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
के हो गृहमन्त्री लामिछानेको महिनावारी फण्डा ?
नेपालबहस संवाददाता
जेठ १५, २०८१ मंगलबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
डीआईजी र एसएसपी सरुवामा गृहमन्त्रीको मनोमानी, ५ महिना नपुग्दै लखेटिए आचार्य
जेठ १७, २०८१ बिहिबार
१६ जिल्लाका सीडीओसहित गृहका २५ जना सहसचिवको सरुवा (सूचीसहित)
जेठ १६, २०८१ बुधबार
मधेस प्रदेशमा ‘श्रमाधान रोजगार मेला’ हुँदै
जेठ १७, २०८१ बिहिबार
बालिका बलात्कारीलाई आठ वर्ष कैद
जेठ १७, २०८१ बिहिबार
मधेसमा नयाँ सत्ता समीकरण : जनमतको नेतृत्वमा सरकार बनाउने सहमति
जेठ १७, २०८१ बिहिबार
राष्ट्रपति पौडेल स्वीट्जरल्यान्ड र जर्मनी भ्रमण जाँदै
जेठ १७, २०८१ बिहिबार
सरकार र आईसीसीबाट पहल गर्दा पनि सन्दीपलाई अमेरिकाले भिसा दिएन : क्यान
जेठ १७, २०८१ बिहिबार
पशुपति क्षेत्रको गुरूयोजना आगामी आर्थिक वर्षदेखि कार्यान्वयन हुने
जेठ १७, २०८१ बिहिबार