रवि लामिछानेबारे महान्यायाधिवक्ताको निर्णयविरूद्धको रिटमा सर्वाेच्चमा सुनुवाइ जारी

२२ चैत, काठमाडौं । राष्ट्रिय स्वतन्त्र पार्टीका सभापति रवि लामिछानेमाथि राहदानी दुरुपयोग विवादमा मुद्दा नचलाउने महान्यायाधिवक्ताको निर्णयविरूद्ध परेको रिटमा सुनुवाइ जारी छ । 

सिन्धुलीका युवराज पौडेलले यही सोमबार दिएको रिट निवेदनको सुनुवाइ न्यायाधीश हरिप्रसाद फुयालको एकल इजलासमा भइरहेकाे हो । लामिछानेले ८ वर्षप पहिले अमेरिकी राहदानी कायमै रहेको बेला नेपालमा रहँदा झुटा विवरण दिएर नेपाली राहदानी बनाएको अभियोगमा प्रहरीले अनुसन्धान सकेर दिएको प्रतिवेदनको आधारमा जिल्ला सरकारी वकिलको कार्यालय काठमाडौंको रायले महान्यायाधिवक्ताको कार्यालयले मु्द्दा चलाउन नपर्ने भनी हालै गरेको निर्णय दुराग्रहपूर्ण रहेको भन्दै पौडेलले उक्त निर्णय बदरको माग गर्दै सर्वोच्चमा रिट र्दा गराएका हुन् । 

लामिछानेमाथि राहदानी विवादमा मुद्दा चलाउन बाटो खुला गर्न महान्यायाधिवक्ताले गरेको निर्णय उत्प्रेषणको आदेशले बदर हुनुपर्ने पौडेलको माग छ । सरकार वादी रहने कसुरमा चलाउने वा नचलाउने निर्णय गर्ने अधिकार महान्यायाधिवक्ताको कार्यालयलाइ रहेको छ । 

राहदानी ऐन २०७६ को दफा २१ (क) मा झुटा विवरण दिइ राहदानी लिन नहुने उल्लेख छ । यदि लिएमा भने दफा २२ बमोजिम दुई लाखदेखि ५ लाख रूपैयाँसम्म जरिवाना वा एकवर्षदेखि ३ वर्षसम्म कैद सजाय वा दुवै सजाय हुने कानुनी व्यवस्था छ।