ह्याम्स अस्पतालमा एयरनेस्टीको हेलिकप्टर दुर्घटना

२५ चैत, काठमाडौं ।  काठमाडौंको ह्याम्स अस्पतालमा एयरनेस्टीको हेलिकप्टर दुर्घटना भएको छ । शनिबार दिउँसो २ बजे धुम्बाराहीस्थित ह्याम्स अस्पतालमा बिरामी पुर्‍याएर फर्कने क्रममा एयर डाइनास्टीको हेलिकोप्टरको पछाडिको पुच्छरको पंखा खुस्किएको हो ।

अस्पतालमा बिरामी पुर्‍याएर फर्कने क्रममा एयर डाइनास्टीको ९ एनएजेडी हेलिकोप्टर दुर्घटना हुँदा सामान्य क्षति पुगेको छ । हेलिकप्टरको पंखा नजिकैको घरको छानामा खसेको प्रत्यक्षदर्शीले बताएका छन् ।

घटनामा मानवीय क्षति भने नभएको बताइएको छ  । अहिले उक्त हेलिकोप्टर अस्पतालको हेलिप्याडमै रहेको छ ।