कानमा लगाएकाे गहना लुट्न दुई बालिकाको हत्या !

२६ चैत, रुकुम । पूर्वी रूकुममा लुटेराले दुई बालिकाको निर्मम हत्या गरेका छन् । गत बुधबार  जिल्लाको पुथा उत्तरगंगा गाउँपालिका–३ रन्माका १० वर्षीय रिमा बुढा र ८ वर्षीय बहिनी कालीको हत्या भएको अवस्थामा शव फेलापछि भएको अनुसन्धानमा यस्तो रहस्य खुलेका हो । 

बुढा दिदीबहिनी सिस्नो टिप्न दिउँसो घरबाट निस्केकामा साँझ अबेरसम्म घर नफर्किएपछि परिवारले प्रहरीमा खबर गरेका थिए । खबरपछि गरिएको खोजीका क्रममा दुवै बालिकाको शव स्थानीय लुपर खोलाको बिहीबार बिहान शव फेला परेको थियो । अनुसन्धानका क्रममा हत्यमा संलग्नताको आरोपमा किशोरीलाई प्रहरीले पक्राउ गरेको छ ।

 जिल्ला प्रहरी कार्यालय रूकुम पूर्वका प्रमुख, डिएसपी अन्जना श्रेष्ठले बालिकाहरूको हत्यामा संलग्न दुई जना किशोरीलाई पक्राउ गरिएकोमा आइतबार सार्वजनिक गरिने बताइन् ।

दुई बालिकाले एक तोला बराबरको गहना लगाएको र सो गहना लुट्न अभियुक्त किशोरीहरुले दुवै जनाको याेजनावद्ध रूपमा ज्यान लिएको खुलेको रूकुम पूर्वका प्रमुख, डिएसपी अन्जना श्रेष्ठले बताए । पक्राउ परेका किशोरीहरु १४ र १५ वर्षका भएको उनले बताए ।

अभियुक्तहरु दुई बालिकालाई जंगलमा एक्लै फेला परेपछि उनीहरुले कानमा लगाएको सुन खोस्ने क्रममा घाँटी थिचेर हत्या गरेर घटना छल्ने उद्देश्यले शवलाई भिरबाट खसालिदिएको को स्वीकारेको बताइएको छ । 

अभियुक्त दुवै जना स्थानीय विद्यालयमा ६ र ७ कक्षामा अध्ययन गर्दै आएको पाइएको छ । प्रहरीले उनीहरूको परिचय गोप्य राखेको छ ।