दुर्घटनाग्रस्त हेलिकप्टरका पाइलट सकुशल फेला

२६ चैत, काठमाडौं । इटालियन बेसक्याम्पका लागि आइतबार बिहान ११ देखि हराइरहेको हेलि एभरेष्टको हेलिकप्टर दुर्घटनाग्रष्त अवस्थामा फेला परेको छ । उक्त दरर्घटनाका पाइलट भने जीवित फेला परेका छन् । 

धौलागिरि बेसक्याम्पमा सामान पुर्याउन उडेको हेलिएयरको एनएन-एएनबी (एएस-३५०) हेलिकप्टर आकस्मिक अवतरणका क्रममा दुर्घटना भएकाे प्राधिकरणले जनाएको छ। हेलिकप्टर बिहान ११ बजेर १ मिनेट जाँदा सम्पर्कविहीन भएको थियो ।

हेलिकप्टरको खोजीमा उडेको एयर डाइनेस्टीको विमानले उक्त हेलिकप्टरलाई धौलागिरि बेसक्याम्पमा पल्टिरहेको अवस्थामा दुर्घटनाग्रष्त रहेको परेको त्रिभुवन विमानस्थल नागरिक उड्डयन कार्यालयले जनाएको छ । 

उडानका बेला हेलिकप्टरमा पाइलट प्रिया अधिकारी मात्र रहेको र उनी सकुशल अवस्थामा फेला परेकी छन् ।हेलिकप्टर ठाेक्किएर पल्टिएकाे अवतरणका क्रममा हुनसक्ने अनुमान गरिएको छ ।

पाइलटलाई अर्को हेलिकप्टरद्वारा उद्धार गरेर काठमाडौंतर्फ ल्याइँदै गरिएकाे प्राधिकरणले जनाएकाे छ ।