स्थापना दिवसको अवसरमा पाल्पाली संगमले काठमाडौंमा महोत्सव गर्ने
नेपालबहस संवाददाता
बैशाख ५, २०८० मंगलबार १५:५०:१४
५ वैशाख, काठमाडौं । पाल्पाली संगमले स्थापना दिवसको अवसरमा काठमाडौंमा पाल्पा महोत्सव २०८० आयोजना गर्ने भएको छ । विभिन्न जिल्लाबाट काठमाडौं आई बसोवास गर्दै आएकाहरुको संभवतः सबैभन्दा पुरानो संस्था पाल्पाली संगमले यही बैशाख ९ गते शनिबार काठमाडौं स्थित राष्ट्रियसभा गृहमा बिहान १० बजेदेखि सुरु हुनेगरी एक दिने महोत्सव आयोजना गरिएको संगमका अध्यक्ष विष्णु बहादुर खत्रीले जानकारी दिए ।
अनौपचारिक रुपमा विक्रम सम्बत् २०३२ सालदेखि नै विभिन्न गतिविधि गर्दै आईरहेको संगम बहुदल आएपछि २०४८ साल बैशाख ५ गते जिल्ला प्रशासन कार्यालय काठमाडौंमा पाल्पाली दर्ता भएको हो । त्यसैले हरेक बर्षको बैशाख ५ लाई संगमले आफ्नो स्थापना दिवसको रुपमा मनाउने गरेको छ ।
स्थापना दिवसको अवसरमा शुभकामना वक्तव्य प्रकाशित गर्दै संगमका महासचिव जीवन भण्डारीले आफ्नो गृह जिल्लाप्रतिको उत्तरदायित्ववोध, लगाव र योगदान गर्न स्थापना दिवसले सबैलाई थप प्रेरणा र दृढता बढाओस् भन्ने कामना गरेका छन् ।
उनले संगमका संस्थापकहरु, स्थापनामा योगदान गरेका अग्रजहरु, पूर्व पदाधिकारी तथा सदस्यज्युहरु, संगमका विभिन्न कालखण्डका सहयोगी तथा शुभचिन्तकहरु, आजिवन सदस्यहरुप्रति वर्तमान कार्यसमितिका सबै सहयात्रीहरुको तर्फबाट आभार पनि व्यक्त गरेका छन् । संगम अहिले काठमाडौमा मात्रै सिमित नरही संगमको प्रेरणाले विभिन्न जिल्ला तथा देशहरुमा पनि पाल्पालीहरु संगठित भएको वक्तव्यमा उल्लेख छ ।
संगमले स्थापनाकालदेखि जिल्लाको विकास निर्माणमा अवधारणागत, नीतिगत, आर्थिक तथा भौतिक योगदान गर्दै आएको छ भने देश विदेशमा रहेका पाल्पालीहरुलाई पनि अपनत्व, अविभावकत्व, भावनात्मक र आर्थिक तथा भौतिक सहयोग गर्दै आएको महासचिव भण्डारीले जानकारी दिए । उनका अनुसार संगमले विभिन्न अक्षयकोष मार्फत हरेक बर्ष प्रोत्साहन तथा राहत पनि दिने गरेको छ ।
पाल्पाको छवि निर्माण र प्रबद्र्धनका लागि विभिन्न गतिविधि गर्ने सिलसिलामा काठमाडौंमा महोत्सव आयोजना गरिएको उनको भनाई छ । महोत्सवमा पाल्पाको स्थानीय कला संस्कृति झल्काउने कौरा तथा सोरठी नाच, खेली तथा चुट्कासँगै पाल्पाली कलाकारहरुको प्रस्तुती, रक्तदान, निःशुल्क स्वास्थ्य परिक्षण तथा औषधि वितरण, चुकाउनी, बटुकलगायतका पाल्पाली परिकार, ढाका तथा करुवा लगायतका पाल्पाली घरेलु उत्पादन, पाल्पासम्वन्धी फोटो, भिडियो र पुस्तक प्रदर्शन तथा विक्रि वितरण गरिने महासचिव जीवन भण्डारीले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजनकपुरधाममा आजदेखि अन्तर्राष्ट्रिय चलचित्र महोत्सव
असार ११, २०८१ मंगलबार
वैदेशिक रोजगार पीडितलाई न्यायको माग गर्दै आइटी आर्मीको प्रदर्शन
असार २, २०८१ आइतबार
इलाममा आदिवासी जनजाति महोत्सव
जेठ २७, २०८१ आइतबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
असार १२, २०८१ बुधबार
यी राशीमा ३ दिनपछि आर्थिक संकटको छायाँ पर्न सक्छ !
असार १२, २०८१ बुधबार
विवाहपछि सोनाक्षीले भावुक नोट शेयर गर्दै सबैप्रति आभार व्यक्त गरिन्
असार १२, २०८१ बुधबार
कलाकार संघले भन्यो- स्वस्तिमा-साम्राज्ञीको अभिव्यक्ति गैरजिम्मेवारपूर्ण
असार १२, २०८१ बुधबार
अब साउनदेखि सिंहदरबार प्रवेश गर्न 'इ–गेटपास'को व्यवस्था गरिने
असार १२, २०८१ बुधबार
ढल्केबर–इनरुवा प्रसारण लाइन सञ्चालन
असार १२, २०८१ बुधबार
देशका विभिन्न नदीमा पानीको बहाव बढ्दै, सतर्कता अपनाउन आग्रह
असार १२, २०८१ बुधबार
कला, संस्कृतिसहितको पहिचान नै भावी पुस्ताको महत्वपूर्ण सम्पत्ति होः राष्ट्रपति पौडेल
असार १२, २०८१ बुधबार